THUSHÄUTU 4:13 - Cho Bible Common Language 2016

^13-14 Dukhaih ciah chang tumat cu amät ah khaw ung ghangpughang ah kya law hning ci, thawng kyum te ci phi mang kyang ung ngo hning ci. Cun ung phi ani cu ghi law aih ne, chang m’cäi m’cat khai ah a ang law ah akyak ung ani cu a du aih ung phi cüivai ciah changnong kä pha ba hlawt ci.

THUSHÄUTU 4:13 Referans Kwoze

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

NG'THU K'THUUK~ 19:1

Dukhaih pang ne phi dung ciah chang cu, hleehlak omshe ciah ta ba pi ci.

NG'THU K'THUUK~ 28:6

Adukhaih ung phi düng nak om ciah chang cu bämang neta kä düng ciah ta bä tu ba ci.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

ATÜNNAK 37:2

Shin cu Jakob ni kyong ah mawng ah kyak ci. Jakob cu a khaw kum gha lei chih a law yah ung, apa ah chu tuba goi Bilhah la Zilpah ah hta gui awn a täng ah htawme gui shäm ci gui. Joseph naw a phäinau gui ah shetkat nak ah mawng cu apa am m’thein ba ci ci.

THUSHÄUTU 4:12

Chang tumat näng hning ciah ng’tuk nak cu, chang hnih naw näng hnin ci. Thum pyu ne choh ah gui cu ci pit vai kä yäi ci.

THUSHÄUTU 7:19

Uktu chang gha naw mang gaw tumat ah phäh ah ami bi hning ah ta, cüivai nak naw chang tumat phäh ah bi hning pi ci.