THUSHÄUTU 4:10 - Cho Bible Common Language 2016

¹⁰ Avaisü ah chang tumat angtäät ah a kyak ung, ahei tumat naw m’tho tu ba hning ci. Cun ung phi chang tumat amät bäng om ne ta, angtäät ah a kyak ung, kä bä aih ci, a i ah kya sei ci ung, ani m’tho tuba khai a u kä om ci.

THUSHÄUTU 4:10 Referans Kwoze

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

1 THESSALONIAN 4:18

Cun ah kyasei shin ah ng’thu awn tumat la tumat k’thagui nami ng’peit tu vai nei.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

1 SAMUEL 23:16

Jonathan cu a cu ah hteit neta, Khanpughi ah ngäng m’htei nak ah mawng a ngaih gep vai ah k’thamah nak pek ci.

ATÜNNAK 4:8

Kain naw anau Abel am, “Lo ah ni hteit kaw” ci sei, lo ah hteit ni neta, Kain naw a nau cu ng’hlah shi ne ngawn ci.

2 SAMUEL 14:6

Bawi aw, kei ung ka hta hnih om ci, hnüüp ät ung ngani cu loma ah ng’tuk ci goi, m’cha goi ci a u kä om ci, tumat naw tumat cu ngawn ci.

2 SAMUEL 11:27

A thüi api pyei khäta, David naw chang tüi ne, mang im ah law sak ci; ani cu ak chu ah kya law ne pami ah hta lawk ci. Cun ung phi David ah bi cu Bawipa naw kä yei nak ci.

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

THUSHÄUTU 4:9

Tumat ah ta, hnih cu bä bi ci, a i ah kyasei ci ung, chang hnih naw bä pi khai ah bi lo hning ciah kyak ci.

THUSHÄUTU 4:11

Kho am yu ah akyak ung chang hnih cu, atäng ah ip ni ne, atäng ah om ni sei lum-awh ci, cun ung phi namät naw namät a i cha na lum-awh sak khai aw?