THUSHÄUTU 4:1 - Cho Bible Common Language 2016

¹ Cun kawn ah khomdek khan ung om ciah kä taga nak gui avan cu kei naw ka teng ba mä ci. Ami shedam nak gui cu thüi kyap ci gui, ngami m’htei tu gui khai a u kä om ci. Ngami m’htei gui khai a u kä om ci, a i ah kyasei ci ung, ngami shedam na gui ci gui ung huham om ci.

THUSHÄUTU 4:1 Referans Kwoze

THUSHÄUTU 3:16

Be nak ah taga nak la ng’düng nak a om nak vaisü ah shin ah khomdek khan ung shetkat nak düt mi hmuk ciah kei naw ka hmat ci nei.

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

NG’ÄI KYAH 1:9

Ani ah kä ng’gängsei nak cu ayäi ah hmuh vai kyak ci. Cun ung phi amät ah m’nü nak cu ani naw kä dang sak ci. Ani ah yung kyak nak cu kyih vai kyak ci, a u naw kä shungvong hlawt ci. Aga gui naw näng u sei, ani cu Bawipa naw ak chimgein vai ah kyap ci.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

ISAIAH 51:23

Kei naw a cun cu ning yawshe na gui ci am, lam ung nami ng’zän khai ah ning ci gui ci am, m’vut ah mäih ah ning kai na gui ci am, ka pe gui khai nei.

SAM 42:9

Ka ng’zi nak Khanpughi ah thu ka pyen cu, “A i ah kyasei kei na na m’hnih ang? A i ah kyasei ka gaa gui ah shedam nak ung ka gein vai ang?”

SAM 42:3

Ka gaa gui naw ak phlüt ah, “Na Khanpughi a hawi ang?” ci u sei, amü ak hnüüp kyap ne ng’phli tui kamü ngawi ei nak ci nei.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

JOB 35:9

Chang gui cu shedam nak ami gah law ung ng’hlo ei ci gui, Chang naw a hun gui vai ah kyap ne k’thäh ci gui.

ISAIAH 59:7

Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.

THUSHÄUTU 7:7

Nang cu na cüivai ci, cung phi chang na m’hleei ung a gu-ang ah mäih ah hnüntho ciah kyak ci. Ng’mü khawh dou ci cu, a om ih m’di ciah kyak ci.

NG'THU K'THUUK~ 28:3

Dukhaih ci yawshe nak ciah huham ah cia huham ah ciah chang cu geit m’di ciah khaw k’aa ah mäih ah kyak ci.

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.

SAM 80:5

Nang naw ei vai ah thüisei nak la awk vai ah ng’phlitui khapnu cu na na pe gui ci.

SAM 69:20

Lü ng’ä nak naw ka m’lung na thüi sak sei, kei cu di nak ung ka gawk ci. Nam gein khai ngai ngä sei kä om ci, na m’htei khai kä ka hmuk ci.

JOB 16:4

Nang cu kei ah hnün ung om ne, kei cu nang ah hnün ung ka om vaisü ung, nangmi ah mäih ah kei phi ka ng’thu hning khai nei. Hmuhmat nak awn be ne ka lu phi ka k’thüng hning khai cun kawn ah tuinu ah mäih ah phu sei ng’thu ne ka ning hteh hning khai sü.

JOB 6:29

Nangmi cu a shou nak ah nami gawk ci nei. Kä taga cicu m’düm vä. Kä na m’kat vä. Kei cu ka ng’düng ci nei.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

THULÄÄN NAK 28:48

Nangmi ning hnungtuk püi gui khai ah Bawipa naw a tüih law vai ah ga gui ah bii cu nami bik khai. Nangmi cu ei nami cawi khai, tui nami gha khai. Nami k’plui khai. Apäng hlü sei nami om khai. Nangmi kä ka ning m’di pha gui ah chuih Bawipa naw a ghat ah ning shekdam na gui khai.

THULÄÄN NAK 28:33

Nang naw tha na ne bi ne na geit kaw cu a khaw hei pakhui naw avan lak khai. Cun yah ung nang naw a i kä na gah tuk khai. Angtäi sei shedam nak la akaa ah om püi nak na gah khai.

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

PHYAWN NAK 1:16

Ani naw, “Hebru hnumi gui nami m’hta tu ah a kyak ung, pami ah ami hta ung nami ngawn vai, hnumi ah ami hta ung nami ghin sak vai” cik ci.

NG'THU K'THUUK~ 19:7

Dukhaih cicu amat ah phaäinau gui naw phi ka htung mang ka m’htei htang ci gui, A teihpüii phi a u ka om ci, Ani naw a i hlawk ah tha na ne phi, a i phi ka m’khut nang hlawt ci.

THUSHÄUTU 8:9

Khomdek khan ung ami bi lawh gui ka ngaih-tüh ah akyak ung shin gui avan cu ka hmuk ci, cun ah khaw ung chang amshah cu huham om ci, amshah cu a cun gui ah ka ung yaica ci.

JEREMIAH 16:7

Am hni ah chang sik ci a om ung k’büi nak ah a u naw phi kä ei awk püi khai. A u naw phi m’gein nak kä m’dang khai, a nu, apa chük ciah phäh ah phi a u naw kä m’gein khai.

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

JOB 9:24

Khanpughi naw changshe gui am khomdek cu pek gui ci. Suki gui van cu m’dah sak gui ci. Acun Khanpughi naw abi ah kä akyak ung, a u naw cu a bi?

SAM 69:21

Ei ka cawi sang ung zeeih ei na m’bei ci gui, tui ka gha sang ung ng’tuui tui na tu ci gui.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

NG’ÄI KYAH 1:17

Kei naw ka kut ka shäng ci, cun ung phi a u naw kä na m’hteihtang khai. Bawipa naw ga gui cu kei na hnungtuk khai gui ah atäng päng ungka khü gui ci. Ngami naw kä ng’gängsei ciah chang ah mäih ah na om püi ci gui.

AMOS 3:9

Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.