THUSHÄUTU 3:7 - Cho Bible Common Language 2016

⁷ K’teh nak ah a khin om ne, chui ba nak ah khin om ci; Düm ah om nak ah a khin om ne, ng’thu htau nak ah a khin om ci;

THUSHÄUTU 3:7 Referans Kwoze

MIKHAH 7:5

Na teihpüi na paw chang phi kä na yum vai. Na chu phi geing na ne na ng’thu püi vai.

AMOS 5:13

Cun ah kya sei, cun ah akshekha ah khin ung düm ah om cu akbä ah bii bi ah kyak ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

NG’ÄI KYAH 3:28

Mikmi mi yaica law ung, a düm ah m’lung sau nak awn mi mät mi ngoh vai ah kyak ci nei.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

ESTA 7:4

Ka chang gui la kei cu ami na ngawn gui vai ah na yoi gui pyi ci gui nei. Changshäm vai ah ami na yoih gui ah a kyak läi ung, a i hlaswk ah khüikha vai ung phi, a düm ah ka om khai süte, nang ung ning yaica sak ne kä ka pyen lawk khai süte nei. Cun ung phi keimi cu m’htin ne na m’di gui khai gui ah kyak ci nei.”

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

ISAIAH 36:21

Chang gui cu düm ah om ci gui, ghangpughang Hezekiah naw am cäi gui ah mäih ah; thu m’khä ät phi kä pyen ci gui.

SAM 39:2

A düm ah ka om ci, m’khä ät ah phi kä ka ng’thu ci, akni ah mawng phi kä ka pyen ci! Cun ung phi ka yaica nak däm law pi k’täi ci.

2 GHANGPUGHANG GUI 6:30

Ghangpughang naw cun ah ng’ya neta, thüi aih ne a sui cu k’teek ci. A cun ah paang pei ah om ciah chang gui naw ani cu htu ah kyong täng sui k’she sui sei hmuk ci gui.

2 GHANGPUGHANG GUI 5:7

Israel ghangpughang naw ca cu phat neta, a sui cu teek ne, “A hawcha ah shin ah chang kei naw ka gai sak vai ah Siria ghangpughang naw ngaih u ci ang? Kei cu sih nak la ghin nak ah huham awn om ciah Khanpughi ah na ngai ne ang? Shin cu kei a na ghüh hlawh tu ah kyak ci nei” cik ci.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 SAMUEL 3:31

Cun kawn ah David naw Joab la achang gui cu, ami sui k’teek ne, ng’yu nak sui sui ne, Abner ah phäh ah ami thüi kyah vai ah k’bäi gui ci. Gook ami htüm nak ung David amät phi gook tom nak pei ah hteit shüi ci.

2 SAMUEL 1:11

David naw thüi ne a sui cu k’teek ci, ak chang gui ami van a cun ah kyak ci gui.

ATÜNNAK 44:34

A hmaw kä hteh püi ba ne, a i cha ah kapa ah ka hteit ba khai aw? Kapa ah thüisei khükha vai cu kä ka hmu hlük ci nei” cik ci.

ATÜNNAK 44:18

Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei.

ATÜNNAK 37:34

Jakob cu a sui suut ne, ng’yuu sui sui ne, a hta ah phäh ah thüi kyap ci.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

JEREMIAH 36:24

Cun ung phi ghangpughang la bawi gui acun ng’yak ci gui cu, a i ah phi ami kyihkyawk nak, ami ayä nak kä m’dang ci gui.

JOB 2:13

Ngami nawmu chih la hnüüp chih ung a i phi ka pyen ne ani cu hngoh pui ci gui. A i ah kyasei ci ung ani a i hlawk ah ayaica cu ngami naw hmuk ci gui.

THUSHÄUTU 3:6

Ani naw m’hnü ci, Shui ne hmuh nak ah a khin om ne, a maih nak ah khin om ci; M’cun m’seh nak ah a khin om ne, fih ghawh nak ah khin om ci.

1 SAMUEL 10:16

Saul naw, “Ani naw, la gui hmuh ba pyi ne” cine na m’thein gui ci, cun ung phi ani ghangpughang ah a kyak law ah mawng Samuel naw a pyen nak cu Saul naw a pukho am kä m’thein ci.

2 GHANGPUGHANG GUI 18:36

Ghangpughang Hezekiah naw a pyen nak gui ah mäih ah chang gui cu a düm ah om ci gui, ng’thu m’kha ät phi kä pyen ci gui.