THUSHÄUTU 3:4 - Cho Bible Common Language 2016

⁴ Ani naw m’hnüt ci, Thüi kyah nak ah akhin la yeinak ah khin om ci; Thüi kyah nak ah khin om ne, ng’lam nak ah khin om ci;

THUSHÄUTU 3:4 Referans Kwoze

ROMAN 12:15

Zeikiai ci gui nami yeikyai püi gui vai, thüikyap ci gui nami thüikyah püi gui vai.

JAMES 4:9

Thüisei vä, kyap m’lau vä; nami gaih nak cu, kyah nak ah ng’lat sak vä! Nami yei nak cu thüi nak ah ng’lat sak vä!

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

2 KORIN 7:10

Khanpughi ah mang ah thüisei nak naw m’lung kyong ng’thawng sak ne, hun nak ah gawk sak ci Cun ah phäh ah thüi nak pi kä om ci! Cun ung phi ng’yu ba nak kä om ciah thüisei nak cu sih nak ah kyak ci.

LUKA 1:58

A im ng’phei la a mätyah gui naw, ani ah khan ah Khanpughi naw cäicat vai abi cu hmu u netah, ani awn a täng ah yeikyai tuk ci gui.

MATTHE 11:17

‘Keimi tumkhawng u ngä sei phi, nangmi kä nami ng’lam ci, keimi ng’äi kyap u ngä sei phi nangmi kä nami kyap ci’ cine ng’hawh tuk ci gui.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

2 SAMUEL 6:16

Thukhän M’küm cu mang gaw kyong ah law püi u sei, Michala, Saul ah hta hnumi naw m’kawt ung yuk teng ne, Ghangpughang David cu theing ciah ng’lam ah ng’lam ne yong ne ng’phiui sei hmu neta, ani cu päipih ci.

ATÜNNAK 21:6

Sarah naw, “Khanpughi naw yei vai, gaih vai na pek ci nei. Kei ah mawng ng’ya tuk ciah chang phung gaih tuk khai gui nei” ci neta,

SAM 30:11

Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

THUSHÄUTU 3:5

Ng’khawt nak ah a khin om ne, kä ng’khawt nak ah akhin om ci; Ng’ui hnam nak ah a khin om ne, kä ng’ui hnam nak ah khin om ci;

THUSHÄUTU 7:14

Nang ah phäh ah apäng avan abä yah ung yeikyai vä, khüikha nak a gawk law läi ung shüm ba düt vä: Khanpughi naw yeikyai nak la khüikha nak cu a tüih law ah kyak ci; cun kawn ah a i kya ba khai, cicu nang naw kä na hmat ci.

ISAIAH 40:1

Nami khanpughi naw pyen ci, “Ka chang gui m’lung üp sak gui ä,” “M’lung üp sak gui ä!

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”