THUSHÄUTU 3:3 - Cho Bible Common Language 2016

³ Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

THUSHÄUTU 3:3 Referans Kwoze

1 SAMUEL 2:6

Bawipa naw hnun gui m’sih ci hnun gui m’ghin ci; ani naw chang gui sih nak ah khaw ah tüi gui ci, law püi ba gui ci.

JEREMIAH 45:4

“Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

JEREMIAH 31:28

Kei naw m’htei ge ne phu ne mawi ne, m’hlaan ne m’di ne, ka maih sak gui ah mäih ah kei naw m’htei ge ne geit kaw ne cokyang ne ka ci ba gui khai.

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

EZEKIEL 13:14

Thung bawk awn ami hluk ah gaw pang cu kei naw ka gäi khai, ka ng’piäh sak khai, ang nei lung gui ka maih sak khai. A cun naw ning geih gui ne name van ning ngawn gui khai. Cun ung Chang nü naw kei cu Bawipa ah nah mat khai.

JEREMIAH 33:6

Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

JEREMIAH 1:10

Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.

HAKKAI 1:2

Hlüngtasi säih ciah Bawipa naw Hakkai a pyen nak cu, “Shin ah chang gui naw Taigüim cawh ba vai ah kä khin phak ci nei, cik ci gui,” ci neta,

HAKKAI 1:4

“Ka chang gui aw, ka Taigüim she ne a kyak sang ung, a i ah kyasei im ni cine nami om ang?