THUSHÄUTU 3:22 - Cho Bible Common Language 2016

²² Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

THUSHÄUTU 3:22 Referans Kwoze

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

THUSHÄUTU 10:14

Chang gu-ang cu ng’thu ne ng’thu ci. Ngawi ah a i ah kya lawk khai cu a u naw kä hmat ci, mi sih kawn ah a i ah kyak khai ci phi a u naw kä na m’thei gui hning ci.

THUSHÄUTU 8:7

Mikmi a u naw phi, a i i ah kya lawk khai cicu kä mi hmat ci, na m’thein gui ci phi a u kä om ci.

THUSHÄUTU 6:12

Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

MATTHE 6:34

Cun ah kyasei ngawi ung ah hmawk ah kä nami ng’ä vai, ngawi ung ah hmawk ah amät ah ng’büh nak vai ng’ä ai nak om tu hnga ci. Tuhngawi bui aut ng’ä ai nak gui cu, tuhngawi ah hmawk ah bä pyii ci nei.

DANIEL 12:13

“Nang Daniela, khaw akhüt güt ung na bekhüt vai. Cun kawn ah nang cu na sik khai, cun ung phi akhin ang pyi law ung, na ng’chuh na gah khai ah nang cu na tho ba khai nei.”

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.

JOB 14:21

Kami hta gui cu m’hlüngtai nak gah u sei, cun ung phi kä kami hmat khai, Ngami ami thüisei ah a kyak ungphi keimi am kä na m’thein ci gui.

THULÄÄN NAK 28:47

Bawipa naw lam a päng ung hriham ning pe gui ci. Cun ung phi nangmi naw yeikyai nak la lünlawi nak ah m’lung awn abii kä nami bik ci.

THULÄÄN NAK 12:18

Nangmi la nami hta nau gui, nami changshäm gui la nami gawnu ung om ciah Levit gui awn a täng ah shin ah douthak gui cu Bawipa nami Khanpughi ah ma ahBawipa nami Khanpughi naw khawihnah nak vai ah a ghü ah hmun tumat ung nami ei vai. Nangmi cu nami bi lawh päng ah khan ah nami yeikyai vai.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

THUSHÄUTU 2:18

Kei naw ka bi lawh gui la bilo ne ka gah gui cu kei ah phäh ah akholä ah kyak ci, a i ah kyasei ci ung cun gui cu ka khui m’düng ci am ka pe shüt khai ah kyak ciah ka hmat ci,

THUSHÄUTU 7:14

Nang ah phäh ah apäng avan abä yah ung yeikyai vä, khüikha nak a gawk law läi ung shüm ba düt vä: Khanpughi naw yeikyai nak la khüikha nak cu a tüih law ah kyak ci; cun kawn ah a i kya ba khai, cicu nang naw kä na hmat ci.

THUSHÄUTU 9:6

Ami m’hni nak, ami ng’gen nak, ami m’lung nak, avan cu ngami awn atäng ah sik ci. Ngami cu shin ah khomdek khan ung kya lawk ciah a i ung phi kä ng’päng tuba khai gui.