THUSHÄUTU 3:2 - Cho Bible Common Language 2016

² Ani naw m’hnüt ci, ng’tüi nak ah khin om ne, sih nak ah khin om ci; ng’lin nak ah khin om ne, mawih nak ah khin om ci;

THUSHÄUTU 3:2 Referans Kwoze

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

JOB 14:5

Chang cu a i güt ghing khai, cha i chü ghing khai cicu m’hnüt bäi pyi ah kyak ci. Cun cu nang naw na m’hnüt pyi ah kya sei käng’thawng hlawt ci nei.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

LUKA 1:20

Cun ung phi akhin a khüm law ung bä khai ah ng’thu kei ah pyein cu nang naw kä na yum ci. Cun kä na yum ah hmawk ah nang cu na aang khai, kei ah ng’thu bä ne kä ang dang pha güt käng thu phung ah na om khai” cine pyen nak ci.

MATTHE 15:13

Bawipa Jesuh naw, “Khankho Kapa ah geit ah kä kyak ciah a ging phung cu mawi ne ghawh vai nei.

JOHAN 16:21

Hnumi tumat cu a hta law vai ung a nau poi m’neh ne ang htei ah yaica ci, cun ung phi a hta kawn ah m’dek khan ah chang tumat ng’tüi lawk ci kyasei, anat nak cu kä shüm ba ci.

ISAIAH 38:1

Cun ah akhin ung Ghangpughang Hezekiah cu gaw ne si ghep ghep ci. Prophet Isaiah, Amoz ah hta naw hteit ne teng neta a pyen nak cu, “Bawipa naw na m’thein ci, nang naw a päng nü cu kyäp ge khaiah ne ci vai, nang cu kä na gai ba khai na si ge khai ah na om vai nei.”

JOB 7:1

Hnicim chang ah ghin nak cu, gakap naw k’tut ne bii abi ah mäih, akghat ah bii bik ciah ghin nak ah mäih ah kyak ci,

LAMKTU 7:20

Cun yah cu Moses ami hta nak ah khin ah kyak ci, Moses cu ang htei ah kyom ciah ak hmaw hta ah kyak ci. Ani cu cha thum ung apa ah imah ami om püi ah kyak ci.

LAMKTU 7:17

Khanpughi naw Abraham am apeit ah shai tak nak a khüm law vai ng’et law khä tah Egypt khaw ung Israel chang gui da law pi ci gui.

JOHAN 7:30

Chang gui naw Bawipa Jesuh cu phak khai gui ah tha na tu pang u ne phi, amät ah khin kä gawk phak ci kyasei, a u naw phi kä phak ci gui.

LUKA 1:36

Na paw Eliyabeth ah mawng cu ngai shüm ä, ng’yüü ciah ami pyein, ghi law pyi ciah chang ani cu, tuhbäi cha chuk m’gai pyi ci nei.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

JEREMIAH 45:4

“Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

JEREMIAH 1:10

Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.

ISAIAH 54:1

Jerusalem, nang cu a hta kä om ciah hnumi ah mäih ah na kya te ci, cun ung phi tuhbäi ng’äi m’cu ne, yei ne na m’lau hning ci. Tuhbäi nang cu, a cei naw kä a hteh tak phung ah hnumi ah ta da pi ciah htanau na gah khai nei!

ISAIAH 38:5

hteit ne hezckiah au na m’thein vai cn, “Kei, Bawipa, nanpupa David ah khanpughi naw na k’taigü cu ng’ya ne, na ng’phlutui cu ka hmuk ci nei. Kei naw län ne kum gha lei hma ka ning ghin ba sak khai nei.

SAM 113:9

Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

JOB 14:14

Chang a sih ah a kyak ung ghing ne law ba hning khai aw? Cun ung phi kei naw a khin akni pi cu ka ngäng khai nei. Shin ah khüikha nak ah akhin ang pyi güt ngäng vai nei

2 GHANGPUGHANG GUI 4:16

Elisha naw pyen nak ci, “Hneng kum a tuhbäi ah a khin ung nang naw na kut ung htapa cu nak pawm khai nei” cik ci. Ani naw pyen ba ne, “Oh, na bä ni, Bawi, kei kä na m’hleei ä. Nang cu Khanpughi ah chang nei!” cik ci.

1 GHANGPUGHANG GUI 13:2

Bawipa ah thumkhän ah mäih ah Prophet naw sonkiang ng’shäu ci, “O sonkiang, sonkiang, shin cu Bawipa ah ng’thu pyen nei: Josiah ang ming ami sui vai ah ak hmaw cu David ah kyong khui ung ng’tüi lawk khai nei. Khogam ah sonkiang khan ung ng’bik ci gui ah taigü gui cu nang ah khan ah ani naw ngawn gui khai, ani naw chang ah guh gui cu nang ah khan ah m’khih khai.”

1 SAMUEL 2:5

Ami phü ah ei man ciah chang gui cu, ei ami gah vai ah ami mät ng’hlawh ci gui. Ei cawi man ci gui cu kä cawi ba ci gui. Kä hta ciah chu cu chih ah hta ci, Cun ung phi chang akda ah nu ung a i kä om ba ci.

THULÄÄN NAK 34:5

Cun ah kyasei Bawipa ah a changshäm Moses cu, Bawipa naw asih vai ah a pyen ah mäih ah Moab khaw ung sik ci.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 17:21

Cun ung phi tuhbäi chü, Sarah naw a hta law nak vai ah na htapa Isaak am kei naw thukhän ka pek khai” cik ci.

NG'THU K'THUUK~ 24:27

Im kä na cawh cang vai, kyong khui kä na pyan cang vai, na khaw ma loma ng’htei khai ah, na mät naw na hnun na m’ghin hning ciah ng’htei khai ah na bi tu cang vai.

ISAIAH 28:24

A u lai k’bi naw phi ang geit nak ge vai ah angtäi sei lai kä thawn ci.