THUSHÄUTU 3:19 - Cho Bible Common Language 2016

¹⁹ Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 3:19 Referans Kwoze

SAM 49:12

Chang cu abäi mang nak naw sih nak ung kä phyawn hlawt ci; Ani phi sei sa ah mäih ah sik khai kyak ci.

SAM 49:20

Chang cu a hlüngtai nak naw sih nak ung ka kä hun ci; Ani phi sei sa ah mäih ah sik khai kyak ci.

THUSHÄUTU 2:16

Cüivai ciah chang a u naw kä shüm ba ci, gu-ang ci phi a u naw kä shüm ba ci. Lawk ciah khohnüüp gui ung, mikmi, mi van cu na m’hnih gui khai gui nei. Mikmi, mi van mi sik khai — cüivai ci la gu-ang ci atäng vai.

THUSHÄUTU 2:14

Cüivai ciah chang naw a hteh nak ah lam cu hmat ci, gu-ang ci naw kä hmat ci.” Cun ung phi täng ciah manak vai naw mi van na ngäng gui ciah ka hmat ci.

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

KHEI NAK 16:29

Shin ah chang gui cu Khanpughi ah m’kyuk ah kä kyak ciah ami sih düt vai ah a kyak ung, kei cu Bawipa naw kä na tüi khai.

THUSHÄUTU 7:2

Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

THUSHÄUTU 9:2

Hmat ung phi a i kä ng’lak nak ci. Täng ciah buitang nak cu düng ci la omshek ci, nik ci la kyak ci, yum nak om ci la kä om ci, khawihnah douthak ci la kä douthak ci, avan ah khan ah gawk lawk ci. Changni cu katnak bik ciah ta kä bä tuba ci; ng’khäntam ci cun phi kä khäntam ciah ta kä bä tuba ci.

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

SAM 49:13

Ami mät naw ami mät ngaih u ci gui cu a i ah ami kyak law ah teng vä, ami mät ah khawh ung bühmang ne om ci gui.

THUSHÄUTU 1:14

Shin ah ah khomdek khan ung bilawh gui nü cu kei naw ka hmuk ci nei, kei naw ka ning m’thein gui cu, cun gui avan cu akholä nei, Cun cu khokhi k’täm ne pha ah mäih ah kyak ci nei.

THUSHÄUTU 1:17

Hmuhmat nak la gu ang nak, cüivai nak la gu k’tak nak gui ah ng’lak mah nak cu kei naw ka ng’thei khai ah ka k’bäi pyi ci nei. Cun ung phi, kei phi khokhi gawt ne phak ciah mäih ah ka kyak khai cicu ka hmuk ci.