THUSHÄUTU 3:14 - Cho Bible Common Language 2016

¹⁴ Khanpughi ah abi phung khonglän ung om ciah kei naw ka hmat ci. Nangmi naw cun cu k’be ne phi kä nami gah khai, la ne phi kä nami gah khai. Khanpughi ah abi tumat cu ani mi kyih aa vai ah ana pyan gui ah kyak ci.

THUSHÄUTU 3:14 Referans Kwoze

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

SAM 33:11

Cun ung phi ani ah pawng püi cu kho ung ng’län ne ang bü nak cu angtäi ah om ci.

ROMAN 11:36

Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.

LAMKTU 5:39

Ngami ah ngaih-tüh bilawh gui cu, chang ah pawng püi ah a kyak ung maih ne ng’kawn khai nei, cung phi cun gui cu Khanpughi ah ngaih tüh bilawh gui ah a kyak ung, nangmi naw kä nami m’dimdap gui hlawt khai, nangmi cu Khanpughi nami hnung’tuk püi ciah kyak lawk khai nei” cine pyein ci gui.

NG'THU K'THUUK~ 30:6

Ani naw kä a pyen cu ani naw a pyen ah, na pyen ah a kyak ung, ani naw ning shedam na ne nang na hleei ciah m’dang khai.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

EPHESIAN 3:11

Khanpughi naw ng’täi ciah ang bü nak awn, mi Bawipa Khrit Jesuh ung dang khai ah abi ah kyak ci.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

THUSHÄUTU 7:18

Akit vang goi vei cu nami hlawi vai. Nang cu Khanpughi na kyih aa ah a kyak ung, nang cu a i ung phi näng nak na gah khai.

THUSHÄUTU 5:7

A i chü na ng’mang a shet ung phi, a kholä ah kyak khai, a i chü na bi ung phi, a i chü ah na ng’thu ung phi, Khanpughi cu kyih aa ne na om vai.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

SAM 64:9

Ngami ami van kyihkyawk khai gui; Ngami naw Khanpughi ah bi lawh cu ngai neta, ani ah hnün thawh ah mawng cu pyen khai gui.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

DANIEL 8:8

Me cu m’gäi law pi pi ne, a huham a hlüng law pi yah ung, a ki cu hnget ci. A cun ah hnün ung a ki phli ah law law ba ci, cun gui cu ahei täng bäng bäng ah mang ci gui.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

2 SAMUEL 22:31

Khanpughi ah bi lawh cu kümbe aih ci, ang thu cu khäng htek aih ci nei! Ani ah shungvong nak shui ci van ah phäh ah Ani cu shawi ah mäih ah kyak ci nei.

THUSHÄUTU 5:6

Bü ne ka bi ah kä kyak ci nei, ciah Khanughi ah taigü ah ma ah na pyen awng vai ah na mät ah ng’thu naw katnak ung kä ning gawk en püi sä. A i ah kyasei Khanpughi naw aning m’lungshe nak vai ah na bi ang? Nang naw na bi gui cu a i vai na m’dishum sak ang?