THUSHÄUTU 3:12 - Cho Bible Common Language 2016

¹² Cun ah kyasei kei ka hmat ci, mi bi hning phung avan cu yeikyai nak vai kyak ci. Mi ghin yah ung akni pi mi bik khai.

THUSHÄUTU 3:12 Referans Kwoze

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

1 TIMOTHI 6:18

Ak ni ami bilawh vai, ni kyom nak ung ami plümshau vai, ami khaailaang vai, la chang am ami peiktaak thei vai ah nam cäi gui vai nei.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

LUKA 11:41

Cun ah nami bi ung nangmi ah hmawk ah avan theingthap khai nei.

ISAIAH 64:5

Hman ci bi neta yeikyai ciah chang gui, a i hawkcha ah ngami ami ghin vai ah na ng’yak hlü cu shüm ba ciah chang gui cu nang keimi ah khan ah na m’lung she ci, cun ung phi keimi cu kami hma lä ci nei; nang cu dämduh ciah m’lungshe ci sei phi eimi cu kami cheishoh lä ci nei, cau tün ne a cun ah kami kyak ci nei.

THULÄÄN NAK 28:63

Bawipa naw nangmi cu nami bühmang vai ah ning pyang gui ne, nami da vai ah ning pyang gui ne a yeikyai ah mäih ah nangmi ning m’di gui ne nami khan ah dishum nak vai law püi ne, yeikyai khai. Nami khäm vai ah khaw ungka ka ning mawi ba gui khai.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

THULÄÄN NAK 12:18

Nangmi la nami hta nau gui, nami changshäm gui la nami gawnu ung om ciah Levit gui awn a täng ah shin ah douthak gui cu Bawipa nami Khanpughi ah ma ahBawipa nami Khanpughi naw khawihnah nak vai ah a ghü ah hmun tumat ung nami ei vai. Nangmi cu nami bi lawh päng ah khan ah nami yeikyai vai.

THULÄÄN NAK 26:11

Nang la na kyong chang gui amBawipa mi Khanpughi naw nik ci gui a ning pek ah hmawk ah yeikyai ä, nami ng’lung ah om ci gui la Levit gui la khaw hei chang gui phi, yeikyai tu sak gui ä.

THUSHÄUTU 2:3

Cüivai nak ng’yak nak hlü cu gah nak vai ah, sapyit tui aw ne hüithaw ne, a khin k’ni gah vai ah ka k’bäi pyi ci nei. Cun cu khomdek khan ung chang gui naw ami ghin nak aktawi ami ng’pyi sak nak vai ah, akni pi ah ka ngai man ci nei.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.