THUSHÄUTU 3:11 - Cho Bible Common Language 2016

¹¹ Ani naw ang nü ah phäh ah hman ciah akhin k’bäi ci. Ani naw ma lam ah mawng hmat nak hlü vai cu na pe gui ci, cun ung phi ani ah bi gui akbe ah hmat nak hlü vai cu kä na pe gui ci. Cun ung phi ng’büh nak vai ah hmuhmat nak cu kä na pe gui ci.

THUSHÄUTU 3:11 Referans Kwoze

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

JOB 11:7

Khanpughi ah a dämduh nak la a huham ah akhüt nak la ang gii nak cu nang naw na hmu hning ne ang?

THUSHÄUTU 8:17

Cun ung phi, Khanpughi naw a i bik ci, cicu nang naw kä na hmat hlawt khai. Nang naw a i hlawk ah na tha nak ung phi kä na hmu hlawt khai. Cüivai chang gui naw kami hmat ci nei, cik khai gui, cun ung phi kä hmat khai gui.

JOB 5:9

Ani ah bi ah dämduh ciah amawng gui cu mikmi naw kä mi hmat ci, ani naw cäiaih gui vai abi cu kä ng’pyi hlawt ci.

ATÜNNAK 1:31

Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.

MAKUH 7:37

Cun ah a mawng ng’ya tuk ciah chang gui cu ang htei ah cäicat u netah, “Bawipa naw a päng avan cu düng khai ah bi pyi ci nei, ak hnga pang ci gui ng’lang sak gui ne, awng ang ci gui ng’thu thei sak gui ci nei” cine pyein aih ci gui.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

JOB 37:23

Khanpughi ah huham cu dämduh aih sei Apei ah phi kä mi hteit hlawt ci nei. Ani cu chang gui ana om püi nak gui ung ng’düng ne taga ci nei.

NG'THU K'THUUK~ 16:4

Bawipa naw a tui pyan pang ung ang bu nak om ci, akshe ah ang bu nak cu dishum ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

THUSHÄUTU 7:13

Khanpughi naw a i a bi cu ngaih-tüh vä. Khanpughi naw ang koi sak cu a u chang naw ng’düng sak hning khai aw?

THUSHÄUTU 7:23

Kei naw shin gui avan m’nüm nak vai ah, ka cüivai nak cu ka mang ci. Kei cu ka cüivai vai ah ka thanak ci, cun ung phi ka hnu nak ci.

THUSHÄUTU 11:5

Khanpughi naw apäng tüipyang ci, m’gäi ciah hnumi ah puk kyong ah ghin nak akthai a i cha ng’tün ci, cicu kä na hmat ah mäih ah Khanpughi naw a i a bi cu kä na hmat ci.