THUSHÄUTU 3:1 - Cho Bible Common Language 2016

¹ Khomdek khan ung kyak ci gui nü cu Khanpughi naw aghü ah khin ung kyak lawk ciah kyak ci.

THUSHÄUTU 3:1 Referans Kwoze

THUSHÄUTU 3:17

Ka mät naw kamät ka pyen nak ci, “Khanpughi naw düng ci la shekhat cicu atäng ah m’khoichak khai, a i ah kyasei ci ung apäng nü, bilawh nü cu, amät am hnüt nak pek ah khin ung kya lawk khai nei.”

MATTHE 16:3

Kho ngawi hta ung hni law lam ah meile a tawt ung kho aa khai ci ne phi bäi, nami pyein man ci. Nangmi cu khomik teng ne kho akhi aa vai cu hmat lang u ne, tuhbäi chü akhin ah a mawng cu m’khoicha ne kä nami hmat ci ma?

THUSHÄUTU 7:14

Nang ah phäh ah apäng avan abä yah ung yeikyai vä, khüikha nak a gawk law läi ung shüm ba düt vä: Khanpughi naw yeikyai nak la khüikha nak cu a tüih law ah kyak ci; cun kawn ah a i kya ba khai, cicu nang naw kä na hmat ci.

2 GHANGPUGHANG GUI 5:26

Cun ung phi Elisha naw, “Cun ah chang nang ning hmuk khai ah yatha ungka, akyum law yah ung kei cu ng’mümcha awn acun ung ka om ciah kä kya se ang? Shin cu ngui ni, suinu ni, oliv-dum, sapyit dum ni, htome ni, seipat ni, changshäm ni dou nak vai ah akhin ah kä kyak ci nei.

NG'THU K'THUUK~ 15:23

Hman ciah amawng ung cang nak thu pyen cu yeikyai nak ah kyak ci.

THUSHÄUTU 2:3

Cüivai nak ng’yak nak hlü cu gah nak vai ah, sapyit tui aw ne hüithaw ne, a khin k’ni gah vai ah ka k’bäi pyi ci nei. Cun cu khomdek khan ung chang gui naw ami ghin nak aktawi ami ng’pyi sak nak vai ah, akni pi ah ka ngai man ci nei.

THUSHÄUTU 2:17

Cun ah kyasei ghin nak cicu kei ah phäh ah a i ah phi kä hmat ci, a i ah kyasei ci ung, a cun ung om ci naw a i phi kei ah kä law püi ci, khuikha nak bäng law püi ci. Shin gui avan cu akholä ah kyak ci, kei cu khokhi gawt ne ka phak ciah kyak ci.

2 SHONTÄP NAK 33:12

Ani cu yaica neta amlung neim sak ne, Bawipa a Khanpughi ah ng’hlat law ba ne, am htei vai ah ng’pa nak ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

NG'THU K'THUUK~ 24:27

Im kä na cawh cang vai, kyong khui kä na pyan cang vai, na khaw ma loma ng’htei khai ah, na mät naw na hnun na m’ghin hning ciah ng’htei khai ah na bi tu cang vai.

JEREMIAH 46:17

“Egypt ghangpughang cu ming k’thai pe vä — ‘Pamcai ciah chang, ak chaw nawng ci.’