THUSHÄUTU 2:8 - Cho Bible Common Language 2016

⁸ Ka uknak ah khawlei mang gui ah khawh ungka ngui la ghui gui cu k’bum ne ka phluk ci. Hnumi pami gui naw ng’äi m’cu ne na khinchah nak ci gui, pami tumat ah ng’yak hlü bä sak khai ah hnumi avan kei ung om ci.

THUSHÄUTU 2:8 Referans Kwoze

1 GHANGPUGHANG GUI 10:10

Ani naw a law püi ah m’cümhnah nak cu Ghangpughang Solomon am pek ci; phia phli kilokram ah däm ciah ghui la tui ng’ui la pyülung akda ah kyak ci. Cun ah hnumi ah pek ah tui ng’ui cu ani naw a gah man ni ciah dämduh pikbäih ci.

1 GHANGPUGHANG GUI 9:28

Ngami cu Ophira khawkawng ah hteit u neta ghui phi gha lei phli kilokram cu Solomon am thak law ci gui.

2 SAMUEL 19:35

Kei cu ka khaw kum cheit kip law pyi ci, a i naw phi yeikyai nak kä na pek khai. Ka ei ka awk phi atui hlim kä ka hmat hning khai, ng’äi ci gui ah ng’äi m’cu phi kä ka ng’ya thei khai. Nang Bawi mang ah phäh ah kei cu phuih gih ah kyak khai.

1 GHANGPUGHANG GUI 10:14

A kum tä sei Ghangpughang Solomon naw ghui phia phia m’ku lei thum kilokram gah ci,

AMOS 6:5

Nang cu David ah mäih ah ng’äi pyan m’hni ne, tingtäng tum ne na ng’äi ci.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

DANIEL 3:7

Cun ah tumkhawn gui ami ng’yak vai am, changpakhui pahta gui la khopäng gui ami van naw m’khuk dong u ne, ghangpughang Nebukhadnezzar naw ang lin ah ghui gup cu, khawihnah ci gui.

DANIEL 3:5

changpakhui avan, pahta avan, khopäng avan gui aw! nangmi naw pyung puuk gui ah k’aw, pyung lawi, htiing, tingtäng, peen m’hlui gui cu nami ng’yak khai; cun kawn ah ahei tumkhawn gui phi nami ng’yak khai. Cun ah tumkhawn gui ami tün vai am, ghangpughang Nebukhadnezzar naw a pyan ah ghui gup cu m’khuuk dong ne nami khawihnah vai.

2 SHONTÄP NAK 9:11

Solomon naw cun ah sing gui cu Taigüim ung hlaak vai la amang im ung htung mang ci, tumkhawng ci gui ah phäh ah phiphät, tingtäng la, k’pen m’hlui pyan nak ah phi mang ci gui. Cun ah mäih cu Judah khaw ung a cau phi kä hmuh man ah kyak ci.)

1 SHONTÄP NAK 25:6

A hta pami gui ami van naw ami pa ah m’shümthein ah ka ung Taigüim ung khawihnah nak ung tingtäng ni ng’sheei ni cu tum ci gui. Asaph, Jeduthun la Heman ni cu ghangpughang ah thukbäi ah mäih ah bik ci gui.

1 SHONTÄP NAK 25:1

Ghangpughang David la Levit angvaihta gui naw khawihnah nak ung tängpang khai gui ah shin ah Levit pahta gui cu ghü ci gui: Asaph, Heman la Jeduthun. Ngami naw Khanpughi ah ng’thu ng’shäu ci gui, tumkhawn ah kyak ciah tingtäng la ng’sheei ami tum nak awn bik ci gui. Shin cu khawihnah nak ung tängpang khai ah ami ghü gui ah chang gui ah kyak ci, ami ng’bum phäh phäh naw ami bi vai ah kyak ci.

1 GHANGPUGHANG GUI 14:27

Ghangpughang Rehoboam naw acun gui ah hnün ung kyei shawiphaw gui pyang ba ne, mangim m’kawt ngäng ciah bawi gui am ap gui ci.

1 GHANGPUGHANG GUI 10:21

Solomon ah a awk nak ah khap gui avan cu ghui awn pyan ah kyak ci, Lebanon Bung Imnu kyong ah khawh avan cu ghui bäng awn pyan ah kyak ci. Solomon ah khin ung ngui cu a phu kä m’küih u ne, a i ngui phi kä mang ci gui.

1 GHANGPUGHANG GUI 9:14

Hiram naw Solomon am ghui 4, 000 kilokram däm ci m’khäh ci.

1 GHANGPUGHANG GUI 11:3

Solomon naw manghta phia chih chu nak ci, cun kawn ah a chu ba phi phia thum lawk ci. Cun gui naw ani cu Khanpughi ng’hlah ta sak ci gui,

THUSHÄUTU 1:2

Ak thuuk hmat ci naw pyen ci, Shin cu akholä nei, akholä ne, ghin nak cu akholä nei, avan akholä nei.