THUSHÄUTU 2:23 - Cho Bible Common Language 2016

²³ Na ghin ah chuih na bi lawh nü cu akholä ah kyak ci, cun ung phi ng’ä ai nak la cäicat nak bäng ah kyak ci. Khomü ah phi na m’lung cu kä ng’düm ci. Acun cu akholä ah kyak ci.

THUSHÄUTU 2:23 Referans Kwoze

JOB 14:1

Mikmi mi van cu thagui ken sei am geinkaa ah ami na hta nak gui ah kyak ci. Mi van naw atäng täng mi ma nak ci, cun cu khüikha nak ah kyak ci.

JOB 5:7

Ka akcang! Chang naw amät ah khüikha nak cu amät ah khan ah law püi ci, Cun cu akcang ah mei ah khan ah mei m’ghi a pawng ah mäih ah kyak ci.

SAM 127:2

Hnun m’ghin nak vai k’tha na aih ne bi ung phi, ng’dawt ne tho ne, hnu ne ip ne kyak ung phi a kholä ah kyak ci; Bawipa naw am hni ah chang cu m’htei gui ci, ami ih yah phi m’htei gui ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

DANIEL 6:18

Cun kawn ah ghangpughang cu mang im ah law ba ne, amu “pum kä ip hlawt ne, a ei kaa ah a i kä ei awk ah om ci.

THUSHÄUTU 5:12

Bi bik ciah chang cu a phü ah a ei ung phi kä a ei ung phi, mü ah akni ah ip thei ci. Ng’büh mang ciah chang cu, akda tak ciah kya ne, ng’ä ai ne, kä ip hlawt ci.

THUSHÄUTU 1:18

Chang cu cüivai law pi ci, ng’ä ai law pi ci, hmuhmat law pi ci, a cun naw nat sak pi ci.

SAM 90:15

Cümbawng ne kami ghin nak gui ah kho kum ung thüi sei nak, na na pek gui chü ah yei kiai nak cu tuhbäi na pe gui ä.

SAM 32:4

Bawipa, amü a hnüüp kei cu na nam kyuk ci nei; ka thagui cu avan ket yawp ne, chakho ah m’hutui a kawi ah mäih ah kyak ci nei.

ESTA 6:1

Acu mü ung ghangpughang cu kä ip hlawt ci. Cun ah kyasei ani naw a uknak khaw ah mawng ca guk gui cu law püi ne ama ah ami phat vai ah thukbäi gui ci.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 5:17

Mikmi cu hmüp khui ung om ne, thüisei ne, ng’ä ai ne, m’lungshe ne, gawpyam ne mi kyak ci nei.

THUSHÄUTU 8:16

Kei naw cüivai chang ah kyak vai ah ka tha nak sang ung la khomdek khan ung a i ah kyak ci, cicu ka ng’thei sang ung, kei naw ka hmat cu, nang cu amü a hnüüp na thawhlet khai.