THUSHÄUTU 2:22 - Cho Bible Common Language 2016

²² Nang cu na ghin ah chuih na bilo ci, na ng’ä ci, cung phi na m’dang vai a i om ne ang?

THUSHÄUTU 2:22 Referans Kwoze

THUSHÄUTU 1:3

Nangmi naw nami ghin nak cu bilawh nak, khüighat nak awn nami ng’pyi sak ci.

SAM 127:2

Hnun m’ghin nak vai k’tha na aih ne bi ung phi, ng’dawt ne tho ne, hnu ne ip ne kyak ung phi a kholä ah kyak ci; Bawipa naw am hni ah chang cu m’htei gui ci, ami ih yah phi m’htei gui ci.

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

1 TIMOTHI 6:8

Cun ah kyasei mikmi ung ei vai la sui vai a om ah khoi ung a cun awn mi ng’büh vai nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

MATTHE 6:34

Cun ah kyasei ngawi ung ah hmawk ah kä nami ng’ä vai, ngawi ung ah hmawk ah amät ah ng’büh nak vai ng’ä ai nak om tu hnga ci. Tuhngawi bui aut ng’ä ai nak gui cu, tuhngawi ah hmawk ah bä pyii ci nei.

THUSHÄUTU 4:6

Cun cu hman haw khai, cun ung phi, akphlüt sei, kut vang goi vei awn k’tha na ne tawtshi ah dam ah, khawh api hta awn m’lung ding gei sei om cu bä pi ci nei.

THUSHÄUTU 3:9

Mi bi nak avan ungka, a i nimä mi mang vai a om?

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

MATTHE 6:11

Ak hnüüp tä ng’büh nak vai ei na pe gui ä.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.

THUSHÄUTU 5:17

Mikmi cu hmüp khui ung om ne, thüisei ne, ng’ä ai ne, m’lungshe ne, gawpyam ne mi kyak ci nei.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

LUKA 12:29

Cun ah kya sei ‘A i ei awk vai’ cine kä nami ng’ä vai, (Khongyo yum ci gui phi angtäi sei acun ah ng’ä ci gui nei.)

LUKA 12:22

Cun kawn ah Bawipa Jesuh naw, ang düihpüi gui-am, “Cun ah kia sei, a i ei ne ghin vai cine hnun ah hmawk ka kä nami ng’ä vai, a i sui ne om vai cine pumsa ah hmawk ah phi kä nami ng’ä vai.

MATTHE 6:25

‘Kei naw akcang ka pyein cu, a i ei auk vai cine, nami hnun gui ah hmawk ah kä nami ng’ä vai, a i suibei vai cine, nami pumsa ah hmawk ah kä nami ng’ä vai. Hnun ghin nak cu ei ah mä bä pi ne, pumsa cu suibei ah mä bä pi ciah kä kya ne ang?

NG'THU K'THUUK~ 16:26

Bii bik ci naw a ei nak hlü awn k’tha na aih ci, a i ah kyasei ci ung a cawi nak cu a phu vai ah ng’ya hlük ci.

1 KORIN 16:16

Phäinau gui aw, a shin ah mäih ah chang gui ah lam shüm nak la, ngami awn a täng ah k’tha na ne khuut bik ci gui ah lam shüm nak cu nami läk vai ah ka ning m’cäi gui ci nei.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.