THUSHÄUTU 2:21 - Cho Bible Common Language 2016

²¹ Nang naw na cüivai nak avan, na hmuhmat nak avan, na m’khütnäng nak avan awn na bik ci, cun kawn ah, shin gui avan cu, shin ah phäh ah a i phi kä bik ci am na nawng pek khai kyak ci. Cun cu akholä nei, kä hman ci nei!

THUSHÄUTU 2:21 Referans Kwoze

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

JEREMIAH 22:15

Nang naw cedar sing awn im co ne, ahei im gui ah ta niba pi khai ah na pyan ung phi, cun naw bä ba pi ciah ghangpughang ah ning pyan khai ang? Nang ah napa cu a ghin ah chuih zeikia ci. Akphlüt ah ng’düng ne taga ci, ani abi lawk nak nü ung bämcam ci.

THUSHÄUTU 9:18

Cüivai nak naw likhim ah ta bä pi ci akni bi thei ci, cun ung phi hmakat ciah chang tumat naw ani nak akda m’di hning ci.

2 SHONTÄP NAK 35:18

Prophet Samuel ung khüt ciah phyawn nak pawi cu cun ah mäih ah kä bi man ci gui. Cau a i ghangpughang naw phi shin ah mäih ah phyawn nak pawi cu kä bi man ci, Ghangpughang Josiah, taigü gui, Levit gui la Judah, Israel la Jerusalem chang gui naw hnü ät ami bi ah kyak ci,

2 SHONTÄP NAK 34:2

Ani naw Bawipa ah yeinak vai ah bik ci; ani naw apughi David Ghangpughang ah bi cu läk ne, Khanpughi ah thukhän avan gui phi a khüüsüh ah läk ci.

SAM 49:10

Chang van ah hmuhmat cu, cüi vai ci phi sik ci, chang gu ang shekha phi sik ci, ami van naw ami khawh cu ami hta nau-am nawng pe shüt ci gui.

THUSHÄUTU 2:20

Cun ah kyasei k’tha na ne ka bi ah phäh ah ka ng’yu ba ci nei.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

SAM 39:7

O Bawipa, a i ka ngaih u khai ang? Nang bäng ka ning ngaih u ci nei.

SAM 49:11

Ami ng’cim hmun cu angtäi sei ami im ah kyak ci; A cun ung angtäi ah om ci gui, cun ung phi ami kho man cu ami ka ah kyak ci.