THUSHÄUTU 2:18 - Cho Bible Common Language 2016

¹⁸ Kei naw ka bi lawh gui la bilo ne ka gah gui cu kei ah phäh ah akholä ah kyak ci, a i ah kyasei ci ung cun gui cu ka khui m’düng ci am ka pe shüt khai ah kyak ciah ka hmat ci,

THUSHÄUTU 2:18 Referans Kwoze

SAM 49:10

Chang van ah hmuhmat cu, cüi vai ci phi sik ci, chang gu ang shekha phi sik ci, ami van naw ami khawh cu ami hta nau-am nawng pe shüt ci gui.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

1 KORIN 3:10

Kei naw Khanpughi ah na peit ah m’gein nak cokyang thei ciah chang ah mäih ah, ng’lei leh ne kam hnep ci, a hei chang tumat naw acun ah khan ah cokyang ci. Cun ung phi cokyang lawk ciahchang cu a i chaa ah a cawhkyan law ah geing nak khenggeng vai nei.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

THUSHÄUTU 9:9

Na m’hni ah hnumi awn yeikyai ne om ä, cun cu shin ah khomdek khan ung na ghin hta yah ung Khanpughi naw aning pek ah akholä ah ghin nak ah kyak ci. Akholä ah kyak ciah a hnüp tä yeikyai ä, a i ah kyasei ci ung cun cu na khüikha nak avan ah phäh ah nang naw na gah vai avan ah kyak ci nei.

THUSHÄUTU 5:18

Shin cu kei naw ka hmuh ah kyak ci; chang tumat naw akni pikbäih ah abi hning cu, ei ne, aw ne, hnünthaw ne, Khanpughi naw a pek ah ghin nak aktawi ung, abi lawh nak ung a yeikyai nak ah kyak ci; shin cu chang ah buitang ah kyak ci.

THUSHÄUTU 4:3

Cung phi, a cun gui ah ta, chang ah kä ng’tüi tu phak ci gui la khomdek khan ung om ciah kä taga nak kä hmu tu man ci gui cu bä pi ci nei.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

THUSHÄUTU 1:3

Nangmi naw nami ghin nak cu bilawh nak, khüighat nak awn nami ng’pyi sak ci.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 2:21

Nang naw na cüivai nak avan, na hmuhmat nak avan, na m’khütnäng nak avan awn na bik ci, cun kawn ah, shin gui avan cu, shin ah phäh ah a i phi kä bik ci am na nawng pek khai kyak ci. Cun cu akholä nei, kä hman ci nei!

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.