THUSHÄUTU 2:11 - Cho Bible Common Language 2016

¹¹ Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 2:11 Referans Kwoze

THUSHÄUTU 1:14

Shin ah ah khomdek khan ung bilawh gui nü cu kei naw ka hmuk ci nei, kei naw ka ning m’thein gui cu, cun gui avan cu akholä nei, Cun cu khokhi k’täm ne pha ah mäih ah kyak ci nei.

THUSHÄUTU 1:3

Nangmi naw nami ghin nak cu bilawh nak, khüighat nak awn nami ng’pyi sak ci.

1 TIMOTHI 6:6

A mät ung om ci awn bä khai ah ngaih gep ciah chang cu, a yum nak naw bühmang nak pek ci.

PHYAWN NAK 39:43

Moses naw a päng avan cu teng neta, Bawipa ah thumkhän ah mäih ah pyi phleh ne, ami bi cu hmuk ci. Cun kawn ah Moses naw hriham pak ci.

ATÜNNAK 1:31

Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

SAM 89:47

Ka ghin nak ciah na na tüi gu avan cu na shüm vai nei.

THUSHÄUTU 1:17

Hmuhmat nak la gu ang nak, cüivai nak la gu k’tak nak gui ah ng’lak mah nak cu kei naw ka ng’thei khai ah ka k’bäi pyi ci nei. Cun ung phi, kei phi khokhi gawt ne phak ciah mäih ah ka kyak khai cicu ka hmuk ci.

THUSHÄUTU 3:9

Mi bi nak avan ungka, a i nimä mi mang vai a om?

THUSHÄUTU 5:10

Nang naw ngui na m’hni ah a kyak ung, a i yah ung phi kä na ng’büh hlawt khai; nang cu na büh mang hlü ah akyak ung phi na ng’yak hlü avan kä na gah khai. Cun cu akholä ah kyak ci nei.

THUSHÄUTU 5:16

Cun cu kä hman ci nei! Mikmi cu mi law ah mäih ah mi hteit ba ci. Mikmi naw k’tha na ne, khokhi cu mi phak ci, cung phi a i ang mikmi naw mi gah?