THUSHÄUTU 2:10 - Cho Bible Common Language 2016

¹⁰ Ka ng’yak hlü phung cu, ka gah ci. Yeikyai nak phung kei ka ma man ci. Kei cu ka bilawh gui phung ah phäh ah ka khähghah ci nei, cun gui avan cu kei ah m’cümhnah nak ah kyak ci nei.

THUSHÄUTU 2:10 Referans Kwoze

THUSHÄUTU 9:9

Na m’hni ah hnumi awn yeikyai ne om ä, cun cu shin ah khomdek khan ung na ghin hta yah ung Khanpughi naw aning pek ah akholä ah ghin nak ah kyak ci. Akholä ah kyak ciah a hnüp tä yeikyai ä, a i ah kyasei ci ung cun cu na khüikha nak avan ah phäh ah nang naw na gah vai avan ah kyak ci nei.

THUSHÄUTU 5:18

Shin cu kei naw ka hmuh ah kyak ci; chang tumat naw akni pikbäih ah abi hning cu, ei ne, aw ne, hnünthaw ne, Khanpughi naw a pek ah ghin nak aktawi ung, abi lawh nak ung a yeikyai nak ah kyak ci; shin cu chang ah buitang ah kyak ci.

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

SAM 119:37

A kholä maih ah kyak ci ma nak ungka, na k’pang ne; Na shaitak ah mäih ah na ni kyom püi ä.

SAM 128:2

Na mät ah bilawh awn na ng’yak hlü küm be khai, yeikyai ne na bämang khai.

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

THUSHÄUTU 2:22

Nang cu na ghin ah chuih na bilo ci, na ng’ä ci, cung phi na m’dang vai a i om ne ang?

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

THUSHÄUTU 6:9

Cun cu a kholä nei; khokhi k’täm ne pha ah mäih ah kyak ci nei. Ang täi sei a i baw ng’ya hlü ne om ah k’dam ah, mät ung om ci awn ng’büh cu bä tuba ci nei.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

JOB 31:1

Kei naw a i yah ung phi hnumi hta cu ng’yak hlü nak awn kä ka teng khai ah shaitak ka bik ci nei.

SUKI GUI 14:2

Ani cu im ah hteit ban eta apa la anu am m’thein goi ci, “Timnah pigaw ah Philistin hnumi hta om ci, cun cu kei naw ka m’hni ci nei, na lak pe ni ä; ka chu na hlük ci nei” cik ci.

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

ATÜNNAK 3:6

Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

THUSHÄUTU 5:10

Nang naw ngui na m’hni ah a kyak ung, a i yah ung phi kä na ng’büh hlawt khai; nang cu na büh mang hlü ah akyak ung phi na ng’yak hlü avan kä na gah khai. Cun cu akholä ah kyak ci nei.

THUSHÄUTU 6:2

Khanpughi naw chang tumat am, khawh, m’tamkhah nak, la bühmang nak, ä, ang yak hlü nü pek ci, cun ung phi a cun gui naw ani kä yeikyai sak ci. Cun nak vaisü ung chang thai tumat cu yeikyai sak khai nei. Cun cu a kholä nei, avan hma ci nei.

THUSHÄUTU 9:6

Ami m’hni nak, ami ng’gen nak, ami m’lung nak, avan cu ngami awn atäng ah sik ci. Ngami cu shin ah khomdek khan ung kya lawk ciah a i ung phi kä ng’päng tuba khai gui.

THUSHÄUTU 2:1

Kei cu ka mät ka yei vai ah om ne, yeikyai nak cu a i ang ci phi hmuh vai ah ka k’bäi ci. Cun ung phi, cun cun phi akholä ah kyak ci, ciah ka hmuk ci.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

THUSHÄUTU 5:17

Mikmi cu hmüp khui ung om ne, thüisei ne, ng’ä ai ne, m’lungshe ne, gawpyam ne mi kyak ci nei.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.