THUSHÄUTU 2:1 - Cho Bible Common Language 2016

¹ Kei cu ka mät ka yei vai ah om ne, yeikyai nak cu a i ang ci phi hmuh vai ah ka k’bäi ci. Cun ung phi, cun cun phi akholä ah kyak ci, ciah ka hmuk ci.

THUSHÄUTU 2:1 Referans Kwoze

LUKA 12:19

Cun kawn ah khawkum akda ei mang vai, khei ungka m’küm hmawng sei, yeikyai ne ei aw ne na om vai cine ka mät naw ka mät ka pyein khai” cik ci.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.

JAMES 4:13

Tuhbäi na ngai vä, “Tuhngawi baw, ngawi ung baw, mang gaw tumat ah hteit ne, kho kum ät kami om khai. A cu ah sumlei ne ngui akda kami gah khai,” cine, nangmi amshah naw nami pyein ci.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

ISAIAH 50:5

Bawipa naw hmuhmat nak na pek ci, cun ah kyasei kei naw kä ka hnu ng’tuk püi ci, kä ka ng’hlah tak ci.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

THUSHÄUTU 7:4

Angtäi sei yeikyai nak ah mawng bäng ngaih-tüh cicu akgu ah kyak ci. Cüivai ciah chang naw sih nak ah mawng ngaih-tüh ci.

THUSHÄUTU 2:15

Ka mät naw ka mät ka ngaih-tüh ci, “Akgu-ang ah manak ah mäih cu kei naw phi ka manak khai, cun ung kei ah ka cüivai nak naw a i ung ang ana bä sak kaw?” Ka mät naw ka m’hlan ci, “Akholä nei,” ka m’shang ci, “A bä tumat phi kä om ci.”

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

SAM 10:6

Amät ng’htau ne, “Kei kä ka zu ng’kia hlawt khai; kei khuikha nak ung kä ka gawk hlawt khai” cik ci.

2 GHANGPUGHANG GUI 5:5

Ghangpughang naw, “Israel ghangpughang ah hteit ä, shin ah ca hteh püi ä” cik ci. Cun ah kyasei Naaman naw ngui pit phia phia thumkip, ghui pit phia phia chukkip la sui k’ni ng’yung gha hteh püi ne hteit ci.

ATÜNNAK 11:7

Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci.

LUKA 16:23

Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

NG'THU K'THUUK~ 14:13

Gaih nak naw thui nak thup ci, Yeikyai nak ang pyi ung ayä nak gawk law kheng geng ci.

THUSHÄUTU 2:10

Ka ng’yak hlü phung cu, ka gah ci. Yeikyai nak phung kei ka ma man ci. Kei cu ka bilawh gui phung ah phäh ah ka khähghah ci nei, cun gui avan cu kei ah m’cümhnah nak ah kyak ci nei.

THUSHÄUTU 2:25

A i hawkcha ah nang, na mät ei aw ne, yeikyai ne na om hlawt ci ang?