THUSHÄUTU 12:5 - Cho Bible Common Language 2016

⁵ Nangmi cu a hlüng nak ung nami kyik khai, lam nami hteh ung kyihkyawk vai kyak khai. Nami lusam bawk khai; nami mät naw nami mät khak sei nami hteit khai, nami ng’yak hlü nak phung avan maih khai. Mikmi cu ak hnu ah ng’düm nak ah hmun ung mi hteit khai, lam yung ah chang gui kyap khai gui.

THUSHÄUTU 12:5 Referans Kwoze

JOB 17:13

Kei ah ka gaih u nak cu sih nak ah kho ah kyak ci. Acu ah kei cu hmüp khui ung ng’yän ne ka ip khai nei.

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

NG'THU K'THUUK~ 16:31

Ghin shou nak cu dung ciah chang gui m’cümhnah nak ah kyak ci, ng’pyook ciah lusam cu huham lukhu ah kyak ci.

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

JOB 15:10

Keimi naw cüivai nak cu na pa kä ang tüi pha ung ng’tüi ciah a ghi ng’vai gui ah kami ng’thei tuk ci nei.

TAIGÜTHUM 19:32

“Aghi ang vai gui cu chang m’sui ne, nami m’tam ngak vai. Kyih aa ne nami cuun ngaih vai. Kei cu Bawipa nei.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

JEREMIAH 1:11

Bawipa naw na ng’shik ci, “Jeremiah, a i ang na hmuh?” Kei naw m’shang ne, “Amon sing ban ka hmuk ci nei” ka cik ci.

ISAIAH 46:4

Kei cu nami na khanpughi nei, nangmi ghi ne nami lu ang pyok güt kei naw ka ning m’htei gui khai nei. Kei naw ka ning pyang gui ci, ka ning m’htei gui khai nei. Kei naw ka ning bawm gui khai, ka ning gung gui khai.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

NG'THU K'THUUK~ 20:29

Keimi naw ak hmaw chang ah thagui cu ngaih u u ne, aghi ang vai ah lu ng’pyook cu kami chang m’sui ci.

ATÜNNAK 44:29

Tuhbäi tumat mä hteh püi u ci sei, a sih gaw ah a kyak ung, kei cu ka ghi lawk ci, nangmi ah bi ah thüi nak naw na m’sih lawk khai nei.’

ATÜNNAK 42:38

Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.

JEREMIAH 9:16

Kei naw ngami cu ami pupa gui la ami mät naw kä ami ng’yak man ah changpakhui gui ah ng’lung ah ka püi sak gui khai. Cun kawn ah kei naw akbe ah kä ka m’di pha gui ah chuih, ngami hnungtuk püi gui ne gakap gui ka tüi gui khai.”