THUSHÄUTU 12:2 - Cho Bible Common Language 2016

² Cun yah ung nangmi ah hmawk ah ng’hni ci, cha ni, aisi gui ni ah akdei cu hmüüp lawk khai, khongmei gui phi kä maih hlawt khai.

THUSHÄUTU 12:2 Referans Kwoze

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

1 SAMUEL 4:18

Cun ah chang naw Thukhän M’küm ah mawng a pyen vai am, m’kawt pei ah Eli cu a ngoh nak ung ka, a hnu ah ng’lat ci. Ani cu ghi aih ne plan ci kya neta, ang kyak nak ung a hnü hnget sei sik ci. Ani cu kho kum phli kip ung Israel gui ah ng’vai pi ah kyak te ci.

1 SAMUEL 4:15

(Eli cu tuhbäi a kkho kum kaw kip lei cheit lawk ci, amik avan m’dauh ci.)

SAM 77:16

O Khanpughi, tui gui naw ami ning hmuh ung kyik ci gui, tuinu phi a khui ah ng’thüng ci.

SAM 71:20

Geinvai nak la yaica nak cu ka khan ah na tüi law ci, cun ung phi nang naw ka thagui na m’küm khai, ng’cim hmun ung ka, na na thup khai.

1 SAMUEL 3:2

Mü ät ung, tuhbäi amik mü khai ah Eli cu amät ah khan kyong ah ip ci;

ATÜNNAK 48:10

Jakob cu ghi lawk ci kya ne, a mik mü sei akni ah kä hmu ba ci.

ATÜNNAK 27:1

Isaak cu ghi law ne a mik phi mü lawk ci. A hta ng’vaipi Esau cu khü neta, “Ka hta awi” cik ci. Esau naw, “äi” cik ci.

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

SAM 90:10

Mi van ah kho kum cu kum chih kip ah kyak ci — mi gai ung kum cheit kip ah kyak ci; cun ung phi cun gui nü cu geinvai nak la azä nak ah kyak ci; ghin nak cu ang ghit ah ng’pyi sei mikmi cu mi ng’kawn ci.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

JOEL 3:15

Hni la cha hmüp yawp ci, aisi gui kä khang ba ci.