THUSHÄUTU 12:11 - Cho Bible Common Language 2016

¹¹ Cüivai ciah chang ah ng’thu pyen gui cu htoshäm naw htome gui lam am shüm nak ah htung m’shum ah mäih ah kyak ci, a cääp ah ng’thu thuuk gui cu khäng sei khen ah m’si ah mäih ah kyak ci. Cun gui cu chang van ah htoshäm tumat ah kyak ciah Khanpughi naw a pek ah kyak ci.

THUSHÄUTU 12:11 Referans Kwoze

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

2 KORIN 10:4

Keimi ah kawh ah likhim cu chang ah kawh ah likhim ah kä kyak ci, gaa ah manggaw näng nak ah khanpughi ah hlüngtai nak likhim ah kyak ci.

JOHAN 3:10

Bawipa Jesuh naw, “Nang cu Israel chang gui ah saya ng’vai ah kia lang ne, cun ka cicu kä na hmat ci ma?

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

NG'THU K'THUUK~ 22:17

Ngai vä! keinaw cüivai ciah chang ah ng’thu ka ning m’thein gui khai. Ngami ah m’theithang cu nami ng’thei vai nei.

NG'THU K'THUUK~ 1:6

Cun ah kyasei ng’thup ciah thu thuuk ah mawng la cüivai chang gui ung dang lawk ciah cuhcan nak gui cu, ngami naw hmat hning ci gui.

JOHAN 10:14

Kei cu htoshäm ni ah ka kyak ci, Kapa naw kei cu na hmat ci, kei naw phi Kapa cu ka hmat ci, acun ah mäih ah kei naw ka hto gui ka hmat gui ci, ngami naw phi kei cu na hmat ci gui. Kei cu ka hto gui ah hmawk ah sih vai ka yum ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

ISAIAH 22:23

Kei naw ani cu sing hmui ah mäih ah ka khan sak khai, ani cu akyong chang avan ung m’tamkhah nak ah aphung ah kyak khai.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

SAM 23:1

Bawipa cu ka htoshäm ah kyak ci; Kei cu kä ka dukhaih ci.

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

EZRA 9:8

Tuhbäi akhin aktawi ung, O Bawipa, Kami Khnapughi, nang cu keimi ah khan ah na bä ci nei. Keimi amshah cu khlei htein ungka na nak phyawn sak gui ci. Shin ah theingcim ciah hmun ung phyawng ne na na om sak gui ci. Nang naw khleihtein ungka nak phyawn gui ne, ghin nak ak thai na na pe gui ci.

ATÜNNAK 49:24

Cun ung phi ali cu m’htung ge ci. Akut phi khüi ghat ci. Jakob ah m’gäi ciah Khanpughi ah huham awn la Israel ngäng ciah Htome shäm awn ah kyak ci.

THUSHÄUTU 7:5

Cüivai ciah chang ah m’cäi m’ä nak cu, chang gu k’taak ah m’hlüngtai nak ah ta bä pi ci.

THUSHÄUTU 10:12

Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

NG'THU K'THUUK~ 10:21

Changni ah ng’thu naw chang akda bä sak ci, cun ung phi gu-ang cicu amät ngawn ci.