Biblia Todo Logo
Bib sou entènèt

- Piblisite -




THUSHÄUTU 11:6 - Cho Bible Common Language 2016

6 Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

Gade chapit la Kopi




THUSHÄUTU 11:6
15 Referans Kwoze  

“Kei ah ka ng’thu cu khüitoi la kho k’aa ah mäih ah kyak ci. Cun cu khomik ungka kya law ne, khomdek cu tui awn shawi ci. A cun naw geit kaw gui cu däm ng’ghaw sak ci, geit vai ah m’shi la ei vai ah ei cu kyak sak ci.


Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’


M’shi api geit ci naw geit api khäm ba khai, m’shi akdäm geit ci naw, geit akdäm khäm ba khai! cicu nami hmat vai nei.


Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.


Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.


Kei naw shin ah mawng avan cu ang shäi ah, ak nui ah ngaih-tüh neta ka hmuh cu, cüivai ci la ng’düng ciah chang gui ah hnün thawh cu Khanpughi naw k’pang ci, ami m’hni nak la ami ng’gen nak phi k’pang ci. A ma ung a i ah kya lawk khai ci cu, a u naw phi kä hmat ci.


Kho hnüüp ah akdei ung yeikyai tu cu nik ci nei.


Swiv nou:

Piblisite


Piblisite