THUSHÄUTU 11:5 - Cho Bible Common Language 2016

⁵ Khanpughi naw apäng tüipyang ci, m’gäi ciah hnumi ah puk kyong ah ghin nak akthai a i cha ng’tün ci, cicu kä na hmat ah mäih ah Khanpughi naw a i a bi cu kä na hmat ci.

THUSHÄUTU 11:5 Referans Kwoze

JOHAN 3:8

Khokhi cu akhi nak hlü lam ah khi ci, kho akhi hmat ung phi a hawi täng ah tün ne, a hawi täng ah khi khai ah kä hmat hlawt ah mäih ah Mumcha Theing awn ng’tüi cicu kyak ci,” ci ne m’thein ci.

SAM 92:5

Bawipa, na bi lawh gui cu küikyang aih ci nei! Na ngaih-tüh gui phi thuuk aih ci nei!

THUSHÄUTU 8:17

Cun ung phi, Khanpughi naw a i bik ci, cicu nang naw kä na hmat hlawt khai. Nang naw a i hlawk ah na tha nak ung phi kä na hmu hlawt khai. Cüivai chang gui naw kami hmat ci nei, cik khai gui, cun ung phi kä hmat khai gui.

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

SAM 104:24

Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.

THUSHÄUTU 7:24

Ghin nak cu a i ang, cicu a i cha ah, a u naw hmuteng hning khai ang? Cun cu mikmi ah phäh ah thuk aih ci nei, hmat vai ah khak aih ci nei.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

JOB 38:4

Kei naw khomdek ka pyan yah ung nang na om tu ne ang? Nang na hmat akda ah akyak ung cun ah mawng cu na m’thein ä.

JOB 37:23

Khanpughi ah huham cu dämduh aih sei Apei ah phi kä mi hteit hlawt ci nei. Ani cu chang gui ana om püi nak gui ung ng’düng ne taga ci nei.

JOB 5:9

Ani ah bi ah dämduh ciah amawng gui cu mikmi naw kä mi hmat ci, ani naw cäiaih gui vai abi cu kä ng’pyi hlawt ci.

THUSHÄUTU 1:6

Khokhi cu a htumtäng ah khi ne, a siiptäng ah khi ne ng’veing ne, ng’veing ne khi ne, a cun ung gawk ba ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

THUSHÄUTU 3:10

Khanpughi naw gih ciah phuih ana phuih sak gui cu kei naw ka hmat ci.

THUSHÄUTU 3:11

Ani naw ang nü ah phäh ah hman ciah akhin k’bäi ci. Ani naw ma lam ah mawng hmat nak hlü vai cu na pe gui ci, cun ung phi ani ah bi gui akbe ah hmat nak hlü vai cu kä na pe gui ci. Cun ung phi ng’büh nak vai ah hmuhmat nak cu kä na pe gui ci.

THUSHÄUTU 11:4

Khokhi kho aa a hman güt bäng ging ciah chang cu, a i yah ung phi kä geit kaw hlawt khai, kä khämkhi hlawt khai.