THUSHÄUTU 11:2 - Cho Bible Common Language 2016

² Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

THUSHÄUTU 11:2 Referans Kwoze

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

JOB 5:19

Akhin päng ung ani naw nat nak päng ng ning hun khai;

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

EPHESIAN 5:16

Tuhchü cu shekak ciah a khin ah kyak ci, cun ah kyasei, nami gah ah akhin k’ni phung cu, ak ni pi ah nami mang vai nei.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

LUKA 17:4

Ani naw kho hnüüp ät ung chih vei ning kat na netah, acun päng ung law ne kei ka katnak ka ng’yu ba ci nei a ci ung, nang naw ani ah katnak cu nam gein vai,” cine m’cäi gui ci.

MATTHE 18:22

Bawipa Jesuh naw, “Chih vei bäng m’gein vai ah kä kyak ci, chih-kip chih vei m’gein vai ah kyak ci.

MATTHE 5:42

Ning yawi lawk ci-am na peit tu vai, ning pu lawk ci-am nak pu tu vai.

MIKHAH 5:5

Ani naw dimdeeih nak law püi khai. Assirian gui naw khaw ami tuk law ung, mi ng’vong chaam ami m’shet law ung, keimi naw gai pi ciah kami ng’vai gui tüi ne kami tuk sak khai.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

ESTA 9:19

Pigaw hta gui ung om ciah Jew chang gui naw Adar cha ah a hnüüp gha lei phli hnüüp cu yeikyai nak kyiin hnüüp ah k’bäi ci gui, acu hnüüp cu mang ei ami ei nak la ei ami ng’dou thak nak tu ah kyak ci.

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

THUSHÄUTU 11:3

Sing ghing cu a i täng ah a kyuk ung phi, a kyuk nak ung ng’yän ci nei. Khomei a be law ah akyak ung kho aa ci nei.

THUSHÄUTU 11:8

Akum tä ne na ghin nak phäh ah na m’hlüngtai vai nei. A i güt na ghin ah akyak ung phi, na sih nak cu akdäm shou pi khai cicu na shüm vai nei. Ma täng ung na ngaih u vai a i phi kä om ci nei.

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

1 SAMUEL 25:8

Ngami cu na ng’shi gui vai, ngami naw ning m’thein khai gui. Pawi hnüüp ung keimi kami lawk khai. M’gein nak awn na na dou gui vai ah David naw ning thäh ci nei. Na na changshäm gui la na teihpui David ung a i ah na bi hning cu na m’thein gui ä.”