THUSHÄUTU 10:16 - Cho Bible Common Language 2016

¹⁶ Ghangpughang cu hmaw ne, ang vai gui cu, amü pum ei aw ne ami kyak ung, cun ah khawpäng cu khüikha nak ung gawk khai nei.

THUSHÄUTU 10:16 Referans Kwoze

ISAIAH 3:12

Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

2 SHONTÄP NAK 13:7

Cun kawn ah ani naw chang omshe gui cu k’bum gui sei, ngami naw Solomon ah hta Rehoboam cu ami ng’yak hlü ah bi sak u sei, ani cu nong yah ne a i kä buiawt man ci kya ne kä m’khüt gui ci.

2 SHONTÄP NAK 36:9

Jehoiachin Judah ghangpughang ah a kyak law yah ung akho kum gha lei cheit lawk ci, ani naw Jerusalem ung om ne cha thum la hnüüp gha ung uk ci. Ani naw phi Bawipa hnungtuk püi ne katnak bik ci.

2 SHONTÄP NAK 36:5

Jehoiakim cu Judah ghangpughang ah a kyak law yah ung a khokum m’ku lei hma lawk ci, ani naw Jerusalem ung om ne, kum gha lei ät uk ci. Ani naw Bawipa a Khanpughi cu hnungtuk püi ne hma nak bik ci.

2 SHONTÄP NAK 36:2

Joahaz cu Judah ghangpughang ah a kyak law yah ung a khokum m’ku lei thum lawk ci, ani naw Jerusalem ung cha thum uk ci.

2 SHONTÄP NAK 36:11

Zedekiah cu Judah ghangpughang ah a kyak law yah ung a khokum m’ku lei ät lawk ci, ani naw Jerusalem ung om ne kum gha lei ät ung uk ci.

NG'THU K'THUUK~ 28:16

Am lung ngaih ka nik ciah uktu cu m’ghämce ci, Ng’dung nak ka om ciah uktu naw ak shou uk ci.

THUSHÄUTU 10:15

A im ah a hteh nak ba vai lam kä hmat ciah chang bäng naw va, amät naw amät bawngbai ne bi lawh sak ci.

1 GHANGPUGHANG GUI 12:11

Kapa naw phuih gih ning phuih sak gui ci; kei naw gih pi ci ka ning phuih sak gui khai, ani naw htung cih awn ning that gui ci, kei naw htungtawn awn ka ning that gui khai!” na ci vai cik ci gui.