THUSHÄUTU 10:12 - Cho Bible Common Language 2016

¹² Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

THUSHÄUTU 10:12 Referans Kwoze

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

NG'THU K'THUUK~ 22:11

Nang naw theingcim ciah m’lung la bä ciah ng’thu cu na m’hni ah a kyak ung, ghangpughang cu na teihpüi ah kyak khai.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

LUKA 19:22

Ghangpughang naw, “Nang changshe, namät ah ng’thu awn ka ning m’khoi m’chak khai. Kei cu nget ne kä ka kaa phi ka lak ah mawng, kä ka geit phi ka khäm ah mawng, cu hmat lang ne,

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

NG'THU K'THUUK~ 31:26

Ani cu cüivai ne ng’awi gi khai ah ng’thu htau ci.

NG'THU K'THUUK~ 26:9

Ak gu aang naw thu thuuk a pyen tu cu awktat ciah chang naw a kut ung shun ciah ng’hling ak kawih ba khit ah mäih ah kyak ci.

NG'THU K'THUUK~ 19:5

Nang cu yung ah m’kawt ung na hleei na pyen ung m’kyuk nak na gah khai. M’hlawt nak ka om khai.

NG'THU K'THUUK~ 15:23

Hman ciah amawng ung cang nak thu pyen cu yeikyai nak ah kyak ci.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

NG'THU K'THUUK~ 10:10

Düng nak hnu nak cicu cümbawng ci, bi ah mawng ang dang ah pyen cicu dimdeeih nak bik ciah kyak ci.

NG'THU K'THUUK~ 10:8

Lunglang ci naw chang ah m’cäi dou ci. Ak u ang ah ng’thu cicu dishum ci.

SAM 140:9

Ka ga gui cu kä näng sak en gui ä; kei ah khan ah akshe ami bi cu ami mät ah khan ah kya ba sä.

SAM 64:8

A cun ah thu gui ah hmawk ah ani naw m’di gui khai; Ngami hmu gui ci phung naw ami lu thüng khai gui.

SAM 37:30

Changnicu ang thu cüi vai ci, angtäi sei taga ci gui.

JOB 16:5

Kei naw m’shüm thein ne k’tha ning pe gui ne, ning shungvong gui ne ka ng’thu hning ci nei.

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

THUSHÄUTU 4:5

Ngami naw pyen ci gui, ei ah cawi ne asih güt ung a kut kep ne ngok ci cu, chang gu-aang ah kyak ci.

THUSHÄUTU 9:17

Cüivai ciah chang ah a düm ah angthu ngaih yak cu, ak aanglam gui ah ng’bum nak ung uktu ah m’lau ngaih yak ah ta bä tuba ci.

THUSHÄUTU 12:11

Cüivai ciah chang ah ng’thu pyen gui cu htoshäm naw htome gui lam am shüm nak ah htung m’shum ah mäih ah kyak ci, a cääp ah ng’thu thuuk gui cu khäng sei khen ah m’si ah mäih ah kyak ci. Cun gui cu chang van ah htoshäm tumat ah kyak ciah Khanpughi naw a pek ah kyak ci.

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

THUSHÄUTU 5:6

Bü ne ka bi ah kä kyak ci nei, ciah Khanughi ah taigü ah ma ah na pyen awng vai ah na mät ah ng’thu naw katnak ung kä ning gawk en püi sä. A i ah kyasei Khanpughi naw aning m’lungshe nak vai ah na bi ang? Nang naw na bi gui cu a i vai na m’dishum sak ang?