THUSHÄUTU 10:1 - Cho Bible Common Language 2016

¹ K’pi k’si tumat naw situi tui ng’ui palang ät thu sak ci, sheit nak api naw, dämduh pi ciah cüivai nak m’shet sak ci.

THUSHÄUTU 10:1 Referans Kwoze

NEHEMIAH 13:26

Ghangpughang Solomon katnak bi sak cicu akhawhei hnumi ah kyak ci. Ani cu changpakhui gui ah ghangpughang gui päng ah dämduh pi ciah chang tumat ah kyak ci. Ani shin ah katnak ung gawk pang sei phi, ani cu Khanpughi naw m’hni ne, Israel khaw avan ah khan ah ghangpughang ah kyak sak ci.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

PHYAWN NAK 30:25

cun gui cu theingciim ciah phyutheh nak situi ah kyak khai ah, tui ng’ui ah mäih ah k’caw vai.

NEHEMIAH 6:13

Kei cu katnak ung na luh sak khai ah ani ami ghüh ah kyak ci, cun ung kabi cu m’di ne kamät phi na hmim khai gui.

JOB 6:3

Tuinu ung laigin gui ah ta gih pi khai nei, Cun ah kiasei kei ah ng’thu m’ghä gui naw kä ning cäicat sak khai nei.

THUSHÄUTU 9:18

Cüivai nak naw likhim ah ta bä pi ci akni bi thei ci, cun ung phi hmakat ciah chang tumat naw ani nak akda m’di hning ci.

HAKKAI 2:12

Avaisü ah chang tumat naw, tehing ciah meh cu vawihpeh nak ungka la ne, a suinu awn hlawp ne law püi khäta, m’htut, buh, sapyit tui, situi la ei vai phung cu a suinu naw a tawn ah a kyak ung, cun gui cu theing tuk khai gui ang?” Acun ah ng’shi gui khäta taigü gui naw, “Ka nei” cik ci gui.

HAKKAI 2:13

Hakkai naw, “Chang aksii bi ne kätheing ciah chang naw, ei vai a bi ung, acun mä kätheingcim khai ma? cine ng’shi ba gui sei, taigü gui naw, “ä” cik ci gui.