THUSHÄUTU 1:8 - Cho Bible Common Language 2016

⁸ Apäng avan cu khüikha nak täng ah mang ci-khüikha nak cu ng’thu awn pyen vai ah däm aih ci nei. Mi mik naw kä hmu yap lawt ci, mi hnga naw kä ng’ya yawp hlawt ci.

THUSHÄUTU 1:8 Referans Kwoze

NG'THU K'THUUK~ 27:20

Chang ah ng’yak hlü gui cu sih nak khaw ah mäih ah kyak ci, angtäi sei akhan om ba hnga mä ci.

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

SAM 63:5

Ka mümcha cu ei vai da ne, kyä khai nei, kei naw yei nak ng’äi m’cu ne ka ning m’taam khai.

THUSHÄUTU 1:7

Tuilawng päng cu tuinu ah ng’dawn ci gui, cun ung phi tuinu cu kä be phung ci. Tui gui cu tui ah khawng nak ah ng’hlat ne gawk ba u ne, cun ungka long ba mä ci gui.

HAKKAI 1:9

“Akda nami khäm khai ah ngai u ci sei phi, api ah taang ci. Im ah nami law püi ung kei naw ka muh phyit ci. A i ah kyasei cun ah ka ci ang? A chang sing nami im ah ng’ä ne co u ci sei, ka Taigüim seka ne a kyak ah phäh ah kyak ci.

THUSHÄUTU 6:7

Chang tumat naw a ei vai a gah ah abi vai avan cu bik ci, cun ung phi kä ng’büh hlawt ci.