THUSHÄUTU 1:2 - Cho Bible Common Language 2016

² Ak thuuk hmat ci naw pyen ci, Shin cu akholä nei, akholä ne, ghin nak cu akholä nei, avan akholä nei.

THUSHÄUTU 1:2 Referans Kwoze

SAM 144:4

Ani cu khokhi goh ah mäih ah kyak ci; Ani ah kho hnüüp gui cu ng’kon ciah püpüi ah mäih ah kyak ci.

ROMAN 8:20

Khanpughi naw a tüi pyan avan cu alä k’ding ah kyak khai ah m’shetkat ci. Cun ah abi cu khomdek khan ah ng’yak hlü ah kä kyak ci, Khanpughi ah ang yak hlü ah kyak ci. Cun ung phi ngaih u nak om ci;

THUSHÄUTU 5:10

Nang naw ngui na m’hni ah a kyak ung, a i yah ung phi kä na ng’büh hlawt khai; nang cu na büh mang hlü ah akyak ung phi na ng’yak hlü avan kä na gah khai. Cun cu akholä ah kyak ci nei.

THUSHÄUTU 12:8

Akholä nei, akholä nei, avan cu akholä nei, cine Thushätu naw pyen ci.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

THUSHÄUTU 2:19

ani cu cüivai ci, käcung gu-ang ciah — a u naw hmat khai aw? Cun ung phi kei ah ka bi gui nü, khomdek khan ung, kei ah cüivai nak naw a gah gui nü cu, ani naw ka nak khai ah kyak ci. Cun gui avan cu akholä ah kyak ci.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 2:23

Na ghin ah chuih na bi lawh nü cu akholä ah kyak ci, cun ung phi ng’ä ai nak la cäicat nak bäng ah kyak ci. Khomü ah phi na m’lung cu kä ng’düm ci. Acun cu akholä ah kyak ci.

THUSHÄUTU 2:17

Cun ah kyasei ghin nak cicu kei ah phäh ah a i ah phi kä hmat ci, a i ah kyasei ci ung, a cun ung om ci naw a i phi kei ah kä law püi ci, khuikha nak bäng law püi ci. Shin gui avan cu akholä ah kyak ci, kei cu khokhi gawt ne ka phak ciah kyak ci.

THUSHÄUTU 11:8

Akum tä ne na ghin nak phäh ah na m’hlüngtai vai nei. A i güt na ghin ah akyak ung phi, na sih nak cu akdäm shou pi khai cicu na shüm vai nei. Ma täng ung na ngaih u vai a i phi kä om ci nei.

THUSHÄUTU 6:11

Na ng’cucan law pik’täi ung, akholä ah kya law pik’täi ci, nang ung ani nak pi a i kä om lawk khai.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

THUSHÄUTU 3:19

Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 2:21

Nang naw na cüivai nak avan, na hmuhmat nak avan, na m’khütnäng nak avan awn na bik ci, cun kawn ah, shin gui avan cu, shin ah phäh ah a i phi kä bik ci am na nawng pek khai kyak ci. Cun cu akholä nei, kä hman ci nei!

THUSHÄUTU 11:10

A i naw phi kä a ning ng’ä ai sak gui vai, a i naw phi kä a ning nat sak gui vai. Nangmi cu akshou nu chang nong ah kä nami kyak khai nei.

THUSHÄUTU 4:16

Ghangpughang tumat ah uknak ung chang a i chü lawk khai ciah m’hnüt bäi nak kä om ci, ani a sih ah a kyak ung, ani naw abi gui ah phäh ah, ani yei nak khai a u kä om ci. Cun cu akolä ah kyak ci. Khokhi gawt ne pha ah mäih ah kyak ci.

THUSHÄUTU 2:15

Ka mät naw ka mät ka ngaih-tüh ci, “Akgu-ang ah manak ah mäih cu kei naw phi ka manak khai, cun ung kei ah ka cüivai nak naw a i ung ang ana bä sak kaw?” Ka mät naw ka m’hlan ci, “Akholä nei,” ka m’shang ci, “A bä tumat phi kä om ci.”

JOB 11:12

Chang gu k’ang gui cu cüivai ciah mäih ah mi ng’tün ung phi ng’se ng’lüng ah ng’tüi ah mäih ah kyak ci.

SAM 89:47

Ka ghin nak ciah na na tüi gu avan cu na shüm vai nei.

THUSHÄUTU 2:8

Ka uknak ah khawlei mang gui ah khawh ungka ngui la ghui gui cu k’bum ne ka phluk ci. Hnumi pami gui naw ng’äi m’cu ne na khinchah nak ci gui, pami tumat ah ng’yak hlü bä sak khai ah hnumi avan kei ung om ci.