THUSHÄUTU 1:16 - Cho Bible Common Language 2016

¹⁶ Kei naw ka mät ka pyen nak ci, “Kei cu dämduh ciah chang ah ka kyak pyi ci, ka hnu ung Jerusalem uk ci gui ah ka cüivai pi ci. Cüivai nak la hmuhmat nak akcang cu kei naw ka hmat ci.”

THUSHÄUTU 1:16 Referans Kwoze

THUSHÄUTU 2:9

Ä, kei cu ka dämduh ci, Jerusalem ung om man ciah chang phung ah ka dämduh pi ci nei, ka cüivai nak naw a i yah ung phi kä na yuk kyak sak man ci nei.

1 GHANGPUGHANG GUI 4:30

Akyangtäng ung cüivai chang gui la Egypt khaw ung cüivai chang gui avan nata Slolomon cu cüivai pi ci.

1 GHANGPUGHANG GUI 10:7

Cun ung phi kei naw law ne, avan kä ka hmuh pha ung kei naw kä ka yum ci nei. Cunung phi kei naw a teih phi kä ka ng’yak ci kyak ci; nang ah cüivai nak la bühmang nak cu ami na m’thein tu ah ta dämduh pi aih ci.

HEBRU 5:14

Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.

SAM 4:4

Ng’hlet ne kyi ne, cheishoh nak ung düm vä; A düm ah ng’zän ne nami ih nak ung, a cun ah mawng cu ak thuuk ah ngai vä.

2 SHONTÄP NAK 2:12

Khankho la khomdek tüisho ciah Israel gui ah Bawipa Khanpughi cu m’hlüngtai vä! Ani naw David ghangpughang am cüivai ciah htapa cu pek ci nei, ani ung hmuhmat nak la m’khüt näng nak ak be ap ci nei, tuhbäi ani naw Bawipa ah Taigüim la amät ah mang im cu co khai ah pawng ci nei.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

JEREMIAH 22:14

“Kei naw mang im nu co ne akhan ah akhan ang shawng gui akda ka pyang khai” ci ne khähghah cicu ng’ziin nak om ci. Ani naw a im ung m’kawt gui pyang ne, cedar sing awn pyang ne a sen awn hluk ci.

SAM 77:6

Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

2 GHANGPUGHANG GUI 5:20

Elisha ah changshäm Kehazi naw amät ng’htau ne, “Ka bawi naw Naaman ah a i phi kä dou ne hteh ba sak ci! Sirian naw a pek cu ani naw a dou ah khin te ci. Ghing ciah Bawipa ung kei naw gawt ne buuk neta ani ung a i baw ka lak khai” cik ci.

1 GHANGPUGHANG GUI 5:9

Kei ah ka chang gui naw singtung gui cu Lebanon ah ka naw tuinu ung, khit ne m’kaih ne pyang neta na ghü nak ah tuikem hmun ung law püi khai gui. A cu ah kei ah chang gui naw k’phian ba khai gui, nang ah chang gui naw lak khai gui. Nang naw kei ah chang gui am na tui ei nak gui vai ka m’hni ci nei.”

THUSHÄUTU 2:1

Kei cu ka mät ka yei vai ah om ne, yeikyai nak cu a i ang ci phi hmuh vai ah ka k’bäi ci. Cun ung phi, cun cun phi akholä ah kyak ci, ciah ka hmuk ci.

THUSHÄUTU 2:15

Ka mät naw ka mät ka ngaih-tüh ci, “Akgu-ang ah manak ah mäih cu kei naw phi ka manak khai, cun ung kei ah ka cüivai nak naw a i ung ang ana bä sak kaw?” Ka mät naw ka m’hlan ci, “Akholä nei,” ka m’shang ci, “A bä tumat phi kä om ci.”

THUSHÄUTU 3:17

Ka mät naw kamät ka pyen nak ci, “Khanpughi naw düng ci la shekhat cicu atäng ah m’khoichak khai, a i ah kyasei ci ung apäng nü, bilawh nü cu, amät am hnüt nak pek ah khin ung kya lawk khai nei.”