THUSHÄUTU 1:14 - Cho Bible Common Language 2016

¹⁴ Shin ah ah khomdek khan ung bilawh gui nü cu kei naw ka hmuk ci nei, kei naw ka ning m’thein gui cu, cun gui avan cu akholä nei, Cun cu khokhi k’täm ne pha ah mäih ah kyak ci nei.

THUSHÄUTU 1:14 Referans Kwoze

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

THUSHÄUTU 2:17

Cun ah kyasei ghin nak cicu kei ah phäh ah a i ah phi kä hmat ci, a i ah kyasei ci ung, a cun ung om ci naw a i phi kei ah kä law püi ci, khuikha nak bäng law püi ci. Shin gui avan cu akholä ah kyak ci, kei cu khokhi gawt ne ka phak ciah kyak ci.

THUSHÄUTU 6:9

Cun cu a kholä nei; khokhi k’täm ne pha ah mäih ah kyak ci nei. Ang täi sei a i baw ng’ya hlü ne om ah k’dam ah, mät ung om ci awn ng’büh cu bä tuba ci nei.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

THUSHÄUTU 4:16

Ghangpughang tumat ah uknak ung chang a i chü lawk khai ciah m’hnüt bäi nak kä om ci, ani a sih ah a kyak ung, ani naw abi gui ah phäh ah, ani yei nak khai a u kä om ci. Cun cu akolä ah kyak ci. Khokhi gawt ne pha ah mäih ah kyak ci.

THUSHÄUTU 8:16

Kei naw cüivai chang ah kyak vai ah ka tha nak sang ung la khomdek khan ung a i ah kyak ci, cicu ka ng’thei sang ung, kei naw ka hmat cu, nang cu amü a hnüüp na thawhlet khai.

THUSHÄUTU 3:19

Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 4:6

Cun cu hman haw khai, cun ung phi, akphlüt sei, kut vang goi vei awn k’tha na ne tawtshi ah dam ah, khawh api hta awn m’lung ding gei sei om cu bä pi ci nei.

THUSHÄUTU 12:8

Akholä nei, akholä nei, avan cu akholä nei, cine Thushätu naw pyen ci.