Biblia Todo Logo
Bib sou entènèt

- Piblisite -




THUSHÄUTU 1:13 - Cho Bible Common Language 2016

13 Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

Gade chapit la Kopi




THUSHÄUTU 1:13
22 Referans Kwoze  

Khanpughi naw gih ciah phuih ana phuih sak gui cu kei naw ka hmat ci.


Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.


Hmuhmat nak la gu ang nak, cüivai nak la gu k’tak nak gui ah ng’lak mah nak cu kei naw ka ng’thei khai ah ka k’bäi pyi ci nei. Cun ung phi, kei phi khokhi gawt ne phak ciah mäih ah ka kyak khai cicu ka hmuk ci.


Chang van naw na bämang law cu ami ning hmuh vai ah, shin ah a mawng gui cu m’shiin püi ne na bi vai nei.


Ka hta aw, nang naw na geing nak vai tumat om ci nei. Ca uk ah ca guk ung kä ng’pyi hlawt khai kyak ci, aktä ah nami ng’thei ung nami cümbawng khai nei.


Ka mät naw ka mät hmuhmat vai ah tha na ne, ka ng’thei ci; kei naw cüivai nak hmuh vai la ka shi nak gui m’shan nak gah vai ah ka tha nak ci, cun kawn ah shetkat nak la gu-ang nak ah shekha nak phi ka ng’thei thang ci.


Khomdek khan ung ami bi lawh gui ka ngaih-tüh ah akyak ung shin gui avan cu ka hmuk ci, cun ah khaw ung chang amshah cu huham om ci, amshah cu a cun gui ah ka ung yaica ci.


A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.


Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.


Na ghin ah chuih na bi lawh nü cu akholä ah kyak ci, cun ung phi ng’ä ai nak la cäicat nak bäng ah kyak ci. Khomü ah phi na m’lung cu kä ng’düm ci. Acun cu akholä ah kyak ci.


Ka hta aw, na m’lung ngaih na na pek vai. Ka ghin nak cu na ng’thei thei vai nei.


Lunglang ciah chang cu angtai sei ci gang ne ng’thei ge vai ah om ci.


Chang awn ka om ih thei ciah chang gui cu, ami mat bang ng’yum ci gui. Ngami naw chang van naw hman ciah akbäi cu ka yum tuk ci gui.


Cüivai nak gah cu aküikyang pi nang ah bi vai ah kyak ci, na gah phung cu na m’lung kyong ung na tha vai.


Bawipa ah abi gui cu cäi aih vai kyak ci nei! Ani ung tuihlim ci phung naw a cun ah mawng gui cu hmuhmat hlük ci gui.


Chang gui cu thuuk pikbäih ne ak hmüp nak ung gawk ci gui, khomdek ah a thuuk nak pi ung shui yap ci gui, Mü hmüp khui ung lung gui co ci gui.


Ani naw ang nü ah phäh ah hman ciah akhin k’bäi ci. Ani naw ma lam ah mawng hmat nak hlü vai cu na pe gui ci, cun ung phi ani ah bi gui akbe ah hmat nak hlü vai cu kä na pe gui ci. Cun ung phi ng’büh nak vai ah hmuhmat nak cu kä na pe gui ci.


Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.


Khanpughi naw apäng tüipyang ci, m’gäi ciah hnumi ah puk kyong ah ghin nak akthai a i cha ng’tün ci, cicu kä na hmat ah mäih ah Khanpughi naw a i a bi cu kä na hmat ci.


Khanpughi cu kami m’tam ci, am yih m’thuh ah mawng ah phäh ah, ghangpughang gui cu kami m’taam gui ci, ami cangkha ah phä ah.


Swiv nou:

Piblisite


Piblisite