TAIGÜTHUM 9:9 - Cho Bible Common Language 2016

⁹ A hta gui naw asi cu law püi ci gui, ani naw acun ung a kutpyün gui yuk phum ci, amshah cu sonkiang ah kit gui a lawi gui ung mek nak ci, pawih ba cicu sonkiang ah akung ah huk ci.

TAIGÜTHUM 9:9 Referans Kwoze

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

TAIGÜTHUM 16:18

ani cu m’khih ne douthak vai la ng’gängsei vai ah sonkiang ung a hteh vai. Ani naw vantang ah si amshah la me ah si amshah cu la neta, sonkiang ah ak kit gui a lawi gui avan ung a mek vai.

TAIGÜTHUM 9:18

Ani naw chang gui ah hmawk ah hmuhchum douthak nak ah vantang hta la htome hta cu ngawn ci. A hta gui naw acun ah si cu thak law u sei, sonkiang ah angleng phli avan ung ani naw huk ci.

TAIGÜTHUM 9:12

Ani naw amät ah hmawk ah m’khih ne douthak nak vai ah seime cu ngawn ci. A hta gui naw asi cu thak law u sei, sonkiang ah ang leng phli ung ani naw huk ci.

TAIGÜTHUM 4:30

Taigüpa naw acun ah me ah si ung a kutpyün yuk phum neta, sonkiang akit gui ah alawi gui ung a hluk vai. Ak pawih cu sonkiang ah akung ah a huk vai.

TAIGÜTHUM 4:25

Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

TAIGÜTHUM 9:10

Cun kawn ah ani naw Bawipa naw Moses am thumkhän a pek ah mäih ah a thau ni, amke ni, amsin ung akni pi gui cu sonkiang ung m’khih ci.

EZEKIEL 43:15

A lai ung khawihnah gui m’khih nak vai cun phi metre hnih ah hlüng ci. Akit phli ung om ciah a lawi gui cu am dawn avan ah hlüng ppi ci gui.

EZEKIEL 43:20

Nang naw asi api cu la neta sonkiang ah akit apam a lawi gui la sonkiang ah anglung akit gui la mawng gui avan ung natha vai. Acu cha ah nang naw sonkiang cu theingthap sak ne, na ap khai.