TAIGÜTHUM 9:5 - Cho Bible Common Language 2016

⁵ Ngami naw Phung ah hmai ung Moses naw thumkhän ne am cäi gui phung cu law püi ci gui. Chang gui ami van cu Bawipa khawihnah vai ah ng’bum lawk ci gui.

TAIGÜTHUM 9:5 Referans Kwoze

NEHEMIAH 8:1

A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.

1 SHONTÄP NAK 15:3

Cun ah kyasei David naw Israel chang avan cu Jerusalem ung ng’bum sak gui ne, ani naw tha nak vai ah a pyan ah hmun ung Thukhän M’küm cu tha vai ah pawng ci.

THULÄÄN NAK 31:12

Pami gui ami van, hnumi gui ami van, ak hmaw hta gui ami van la nami gawnu gui ung om tuk ci gui ah khaw hei chang gui ami van cu a täng ah na khü gui vai, cun ung chang päng naw ng’zak khai, Bawipa nami Khanpughi m’tamkhah nak vai ng’thei khai gui, ani ah m’theithang nak gui cu bekhüt ne läk khai gui.

PHYAWN NAK 19:17

Moses naw Khanpughi hmuh vai ah phung ungka luh law püi gui ci, ngami cu m’htung nawi ah ng’düi ci gui.

TAIGÜTHUM 9:4

Hmuhchum douthak nak vai ah vantang hta la htome hta akhla ami law püi vai. Cun gui cu situi awn k’caw ah htang douthak nak awn a täng ah Bawipa am khawihnah ak vai. Ngami naw cun ah ami bi vai, a i ah kyasei ci ung tuhngawi Bawipa cu ngami ah ma ah ng’dang khai.

TAIGÜTHUM 9:6

Moses naw, “Shin gui avan nami bi vai ah Bawipa naw thumkhän ning pe gui ci nei, cun ah kyasei dei ne ng’shü ciah ak khang ah a om nak cu nangmi ah khan ah ng’dang lawk khai nei” cik ci.