TAIGÜTHUM 9:4 - Cho Bible Common Language 2016

⁴ Hmuhchum douthak nak vai ah vantang hta la htome hta akhla ami law püi vai. Cun gui cu situi awn k’caw ah htang douthak nak awn a täng ah Bawipa am khawihnah ak vai. Ngami naw cun ah ami bi vai, a i ah kyasei ci ung tuhngawi Bawipa cu ngami ah ma ah ng’dang khai.

TAIGÜTHUM 9:4 Referans Kwoze

PHYAWN NAK 29:43

Acu ah kei naw Israel chang gui cu ka ng’hmuh püi gui khai. Ng’shü ciah ka om nak ah akdei naw cun ah hmun cu theingciim sak khai.

TAIGÜTHUM 9:23

Moses la Aaron cu Bawipa ah om nak ah Phung ah kyong ah hteit ni neta, lut law ba ni ne chang gui cu hriham pek ci goi. Pyü ne ng’shü ciah Bawipa ah akdei ah om nak cu chang van ah khan ah dang ci.

TAIGÜTHUM 9:6

Moses naw, “Shin gui avan nami bi vai ah Bawipa naw thumkhän ning pe gui ci nei, cun ah kyasei dei ne ng’shü ciah ak khang ah a om nak cu nangmi ah khan ah ng’dang lawk khai nei” cik ci.

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.

KHEI NAK 16:19

Cun kawn ah Korah naw chang gui avan bum gui ci. Ngami cu Phung valuh nak ung Moses la Aaron täng ah mang ne ng’düi ci gui. Ang ghit ah pyü ne ng’shü ciah Bawipa ah om nak cu chang bum ah khan ah ng’dang lawk ci.

KHEI NAK 14:10

Chang gui ami van naw ngani cu lung awn vawi goi ne ngawn goi vai ah pawng ci gui. Cun ung phi pyü ne ng’shü ciah Bawipa ah akdei cu Phung ah khan ah ang ghit ah ng’dang law sei chang gui naw hmuk ci gui.

TAIGÜTHUM 2:1

Chang tumat naw Bawipa am htang douthak nak abi ah a kyak ung, ani naw khui khai ah a den ma vai. Situi luh ne ang ui a shum vai.

PHYAWN NAK 24:16

Ng’shü ne khang ciah Bawipa ah ng’mui cu m’htung khan ah gawk lawk ci. Israel gui ah khan ah akdei cu mei ui ciah mäih ah m’htung lai ung kya lawk ci. Khomhtung cu khaw ng’mei naw hnüüp chuk ung küm ci. A hnüüp chih nak ung Bawipa naw khaw ng’mei ungka naw Moses cu khü ci.

PHYAWN NAK 19:11

cituh hnüüp cu ami pawng ge vai nei. Cun ah hnüüp ung Sinai m’htung ah kei ka lawk khai. Acu ah chang avan naw na hmuk khai gui.

PHYAWN NAK 16:10

Aaron naw chang ami van cu m’thein gui sei, ngami cu bung täng ah ng’hlat u khäta, Bawipa ah pying ciah akdei cu ang ghit ah khongmei ung dang lawk ci.

TAIGÜTHUM 9:3

Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

TAIGÜTHUM 9:5

Ngami naw Phung ah hmai ung Moses naw thumkhän ne am cäi gui phung cu law püi ci gui. Chang gui ami van cu Bawipa khawihnah vai ah ng’bum lawk ci gui.

TAIGÜTHUM 3:1

Chang tumat naw a sei cu hmuhchum-douthak nak ah a law püi ah a kyak ung api ah phi kä kheihlik en ciah sei, vantang ah kyak khai.

EZEKIEL 43:27

Hnüüp chih ang pyi ah a kyak ung, taigü gui naw tün ne, sonkiang ah khan ah m’khih ne douthak nak la chang gui ah ng’khawtsheng-douthak nak cu douthak khai gui. Cun kawn ah kei naw nami van cu ka ning yei na gui khai. Kei, uktu Bawipa naw ka pyen nei.”