TAIGÜTHUM 9:3 - Cho Bible Common Language 2016

³ Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

TAIGÜTHUM 9:3 Referans Kwoze

EZRA 6:17

Cun ah ap nak ung ngami naw seipat phia, htome phia goi, la htome hta phia phli cu khawihnah nak ah bi u ne, Hmakat douthak nak ah me gha lei goi, Israel pakhui tumat ah phäh ah tumat ciah kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

TAIGÜTHUM 4:23

ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhla cu a law püi vai.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

EZRA 10:19

Ngami naw ami chu gui ami nawng gui vai ah shaita u ne, ami kat ah phäh ah khawihnah nak htome hla tumat dou thak ci gui.

TAIGÜTHUM 23:12

Htang douthak nak ah hnüüp ung, kum ät lüng ciah htome akhla, kä kheihlik en ci awn khawihnah ne, m’khih ne douthak nak nami bi vai.

TAIGÜTHUM 16:15

Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.

TAIGÜTHUM 16:5

Israel chang avan naw katphyawn douthak vai ah me amca hnih la m’khih ne douthak vai ah htome amca tumat ami pek vai.

TAIGÜTHUM 14:10

A hnüüp cheit ung api ah phi kä kheihlik ne, kum ät lüng ciah htomehta akhla hnih la akhik tumat a law püi vai. M’htut den pie thum, olive situi awn k’caw la oliv situi k’am ah bum thum a ät a law püi vai.

TAIGÜTHUM 12:6

A hta pami, käcung hnumi ah phäh ah ang ng’gängsei nak ah akhin, a khüm ah a kyak ung, ani naw Bawipa ah om nak ah Phung ah luh nak ung, taigü am m’khih ne douthak vai ah kum ät lawk ciah htome hta la katphyawn douthak nak vai ah mümkha baw, mümbawk baw a thak law vai.

PHYAWN NAK 12:5

Nangmi naw htome hta baw, mehta baw nami ghü vai. Cun cu kum ät lüng ciah a hlahta, kä kheihlik en ciah kyak khai.

ATÜNNAK 37:31

Cun kawn me ngawn u neta, Joseph ah sui cu asi awn hluk ci gui.

TAIGÜTHUM 9:2

Ani naw Aaron am, “Api ah phi kä kheihlik ciah vantang hta la htome hta cu la neta Bawipa am na douthak vai, vantang hta cu katphyawn-douthak nak ah kyak khai, htome hta cu m’khih ne douthak nak ah kyak khai.

TAIGÜTHUM 9:4

Hmuhchum douthak nak vai ah vantang hta la htome hta akhla ami law püi vai. Cun gui cu situi awn k’caw ah htang douthak nak awn a täng ah Bawipa am khawihnah ak vai. Ngami naw cun ah ami bi vai, a i ah kyasei ci ung tuhngawi Bawipa cu ngami ah ma ah ng’dang khai.

TAIGÜTHUM 10:16

Moses naw katphyawn douthak nak ah me ah mawng ng’shi gui neta, ami m’khih pyi ah kyasei hmat ci. A shin ah phäh ah ani cu Eleazar la Ithamar ah khan ah m’lungshe neta ani naw ak thäh cu,

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.