TAIGÜTHUM 9:24 - Cho Bible Common Language 2016

²⁴ Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

TAIGÜTHUM 9:24 Referans Kwoze

SUKI GUI 6:21

Cun kawn ah Bawipa ah khanchang naw zawn neta, meh la m’htut cu akawh ah htung m’sawng ah am dawng awn tawk ci. Lung ung mei däi law neta meh la m’htut cu mei naw ui ci. Cun kawn ah khanchang cu maih ba ci.

1 SHONTÄP NAK 21:26

Ani naw a cun ung Bawipa sonkiang co neta, m’khih douthak nak la hmuhchum-douthak nak cu bik ci. Ani taigü sei, Bawipa naw khankho ah ka mei yuk chah ne sonkiang ung khawihnah nak cu uih sak ne yuk m’shang lawk ci.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

SUKI GUI 13:23

Cun ung phi akchu naw, “Bawippa naw ana ngawn goi hlü ah a kyak vai sü ung, ani naw nikni ah douthak kä dou khai süte; ani naw shin ah mäih gui avan na m’dang gui ne, tuhbäi shin ah mäih gui na m’thein gui ne, kä kyak khai süte” cik ci.

TAIGÜTHUM 6:13

Sonkiang khan ah mei cu angtäi sei ui khai, kä si phung khai.

PHYAWN NAK 3:2

A cu ah Bawipa ah khanchang cu k’pluup ah ng’lung ah mei m’lei ah dang lawk ci. Moses naw k’pluup cu mei ah däi sei hmuk ci, cun ung phi kä ui ci.

ATÜNNAK 15:17

Khawhni hang kyasei khaw hmüp law khätah, khu ciah shei k’am la däi ciah mei im cu ang ghit ah dang law ne, khisa meh gui cu khan gui ci.

THU PHLAAN 7:11

Khankho chang gui ami van naw, mangkiaang ni, aghaampa gui ni, khiküi paphli ni gui cu, ‘Kium na ne ng’düi ci gui. Cun kawn ah ngami cu mangkiaang ah maa ah kawp u ne, Khanpughi cu khawihnah u netah,

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

THU PHLAAN 4:9

Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,

2 SHONTÄP NAK 6:2

Tuhbäi nang ah phäh ah chün ciah Taigüim, Nang naw Khonglän ung na om nak vai ah hmun cu kei naw ka co pyi ci nei.”

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

KHEI NAK 14:5

Moses la Aaron cu chang avan ah ma ah m’dek ung m’khukdong ci goi.

ATÜNNAK 17:3

Abram cu a hmai m’kyum ne kawp khätah Khanpughi naw,

TAIGÜTHUM 10:2

Ang ghit ah Bawipa naw mei yuk chah law sei, acun naw Bawipa ah ma ge ung sik khai goi ah k’ui goi ci.

KHEI NAK 23:21

Kei naw Israel gui ah ma lam mawngma cu ka hmu pyi ci. Ani naw thang she nak la khüikha nak kä pe gui khai. Bawipa ami Khanpughi cu ngami awn om ci. Ani cu ami ghangpughang ah a kyak ah mawng ngami naw ng’shäu ci gui.