TAIGÜTHUM 9:22 - Cho Bible Common Language 2016

²² Aaron naw khawihnah nak avan cu pyi yawp neta, chang gui ah khan ah a kut shäng ne hriham pe gui ci, cun kawn ah kyum law ba ci.

TAIGÜTHUM 9:22 Referans Kwoze

LUKA 24:50

Bawipa Jesuh naw ang düihpüi gui cu Bethani pigaw pei ah khüt ne hteh püi gui netah, a kut k’phiat ne hrilham pe gui ci.

THULÄÄN NAK 21:5

Levit taigü gui phi acu ah ami hteh tu vai. A i ah kyasei ci ung cun ung kyak ciah hungsai a mawng päng cu ngami naw m’khoichak khai gui ah kyak ci. Bawipa nami Khanpughi naw ngami cu ghü gui ci. Ngami naw ani ah khut bi u ne, ani ah ming ung hriham cu ng’shäu ci gui.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

MAKUH 10:16

Cun kawn ah Bawipa Jesuh naw ak hmaw hta gui cu chang ne k’pawm gui netah, ami khan ah a kut taih ne m’shumphyuk nak pe gui ci.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

2 SHONTÄP NAK 6:3

Israel chang gui ami van cu acun ung ng’düi ci gui. Ghangpughang cu ngami täng ah ng’hlat law neta Khanpughi ah hriham cu k’thäh pe gui ci.

1 SHONTÄP NAK 23:13

Ani ah a hta angvaipi Amram cu Aaron la Moses ah ani pa ah kyak ci. Aaron la a hta ng’shon gui cu angtäi sei khawihnah nak ung mang ah theingthap ci gui bilo khai gui Bawipa khawihnah nak ung ang ui gui m’khih khai gui, ani abii bik khai gui la ani ah aming awn chang gui hriham pek khai gui ah ami tha gui hnga ah kyak ci.

1 GHANGPUGHANG GUI 8:55

Cun ung om ciah chang avan ah chaw ah ani naw m’lau ne, Khanpughi ah hriham cu k’thäh ci. Ani naw a pyen cu,

THULÄÄN NAK 10:8

M’htung pei ah Bawipa naw Levit pakhui chang cu Thukhän M’küm m’htei khai m’düh ci. Ani cu taigü ah kya ne akhuut bik ci. Ani ah ming ung hriham gah ah mawng ani naw ng’shäu ci. Shin gui cu ngami ah bi vai ah kyak ci.

PHYAWN NAK 39:43

Moses naw a päng avan cu teng neta, Bawipa ah thumkhän ah mäih ah pyi phleh ne, ami bi cu hmuk ci. Cun kawn ah Moses naw hriham pak ci.

KHEI NAK 6:22

Bawipa naw Moses cu thumkhän ci,