TAIGÜTHUM 9:2 - Cho Bible Common Language 2016

² Ani naw Aaron am, “Api ah phi kä kheihlik ciah vantang hta la htome hta cu la neta Bawipa am na douthak vai, vantang hta cu katphyawn-douthak nak ah kyak khai, htome hta cu m’khih ne douthak nak ah kyak khai.

TAIGÜTHUM 9:2 Referans Kwoze

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

TAIGÜTHUM 8:18

Cun kawn ah Moses naw htome akhla cu m’khih ne douthak vai ah law püi khäta acun ah lu khan ah Aaron la a hta gui naw ami kut taih ci gui.

TAIGÜTHUM 8:14

Cun kawn ah Moses naw vantang hta cu katphyawn-douthak nak vai ah law püi khäta, acun ah lu khan ah Aaron la a hta gui naw ami kut taih ci gui.

PHYAWN NAK 29:1

“Shin cu Aaron la a hta gui naw ng’ap ne taigü ah kya ne ka bii ami bi vai ah na phyutheh gui vai ah kyak ci. Kä kheihlik ciah vantang nong la htome hnih cu na lak vai.

HEBRU 5:3

Amät cu kä kümbe ciah kya ne, chang ah phäh bäng ah kä kiak ci, amät ah phäh ah phi küikyan nak vai ah phyutheh ciah kiak ci.

TAIGÜTHUM 9:3

Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

EZEKIEL 29:1

Keimi omktu ah kami hteh nak akum gha nak, a cha gha nak ah a hnüüp gha lei goi ung Bawipa naw na ng’thu püi ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 16:3

Ani cu katphyawn douthak nak vai ah vantang hta la m’khih ne douthak nak vai ah htome akhla hta a law püi kawn ah va, a theingcim nak pikbäih ung lut hlawt khai” cik ci.

TAIGÜTHUM 16:5

Israel chang avan naw katphyawn douthak vai ah me amca hnih la m’khih ne douthak vai ah htome amca tumat ami pek vai.