Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.
Cun ung phi mikmi cu akdei ah chang ah mi kyak ci, cim’gang ne mi om khai nei. Mikmi cu yum nak yih sui ne, m’hni nak ah shawi kawt ne, mi ngaih u ah kyak ciah hun nak m’si lukhu cu mi ng’büng khai nei.
Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.
Kei ah kawn ah chang päng ung na m’lung na khai vai; kei ah kawn ah a u phi na kut awn kä na k’pan vai. M’hni nak cu sih nak hlawk ah a huham om ci; M’hni nak aih cu sih nak ah mäih ah ghaat ci. A cun naw mei m’lei ah ng’tawn ne, mei k’law ah mäih ah ui thei ci.
Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”
Ani naw Levit pakhui a pyen nak gui cu, Nang, Bawipa naw na ng’yak hlü cu Urim la thummim awn na m’than ci. Bekhüt ciah na changshäm Levit gui ung namthan ci. Massah ung nang naw ngami gui cu nam nüm gui ci. Meribah tui ung akcang ah a kyak ah mawng namdang ci.
Israel pakhui avan ung ka, ka taigüpa gui vai ah ani a ah kyong khui cu ka ghü ci, sonkyang ung bi bik khai, masui sui ne kei awn ng’ge pai khai. Sonkyang ung m’khih ne, khawhnak nak aming pai nak tu hning vai ah ami chaw cu kei naw ka pe gui ci.
Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.
“Shin cu Aaron la a hta gui naw ng’ap ne taigü ah kya ne ka bii ami bi vai ah na phyutheh gui vai ah kyak ci. Kä kheihlik ciah vantang nong la htome hnih cu na lak vai.