TAIGÜTHUM 8:7 - Cho Bible Common Language 2016

⁷ Ani naw Aaron am k’htu la suinu m’sui ne, akhei phi khih sak ci. Ani naw kyang sui phi sui sak ci. Akni ah tah ah kheipat awn acun cu khawng ne akhei pat sak ci.

TAIGÜTHUM 8:7 Referans Kwoze

PHYAWN NAK 28:4

Ng’e saphaw, shawiphaw, suinu, cüiche ah k’htu, lupawng la sam gui cu ami pyan vai ah na pyen vai nei. Ngami naw taigü khingyih gui cu na phäi Aaron la a hta gui ah phäh ah ami pyan vai nei. Cun ung ngami naw taigü ah kya u ne, kei ah bii cu bik khai gui nei.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

PHYAWN NAK 29:5

Aaron am taigü sui gui na m’sui vai, k’htu, shawiphaw ah ka ah om ciah suinu, shawiphaw, ng’kyangsaphaw, la hnamphei.

PHYAWN NAK 28:2

Na phäi Aaron ah phäh ah taigü khingyih cu na pyan pek vai. Cun cu a huham mah nak vai la a kyom nak vai ah kyak ci.

PHYAWN NAK 28:6

“Ngami naw shawiphaw cu pyai akpong, ak ih la asen ni ah kyak ciah memu ni, ghui pyai ni, linen ni awn cüiche ne ami tah vai nei.

1 SAMUEL 2:28

Israel pakhui avan ung ka, ka taigüpa gui vai ah ani a ah kyong khui cu ka ghü ci, sonkyang ung bi bik khai, masui sui ne kei awn ng’ge pai khai. Sonkyang ung m’khih ne, khawhnak nak aming pai nak tu hning vai ah ami chaw cu kei naw ka pe gui ci.

EZEKIEL 42:14

Taigü gui cu Taigüim kyong ah ami gawk awn ah cham ah k’pung ah ami hteh ba hlü ah a kyak ung, ngami naw Bawipa ah bi ami bii yah ung ami sui ah theingcim ciah sui gui cu, akhan kyong ah ami nawng shüt vai. Ngami cu akpung ah chang gui ah ng’lung ah kä ami law ba pha ung ahei sui ami sui ba vai ah kyak ci.”