TAIGÜTHUM 8:6 - Cho Bible Common Language 2016

⁶ Moses naw Aaron la a hta gui cu law püi gui neta, theingthap nak tui ami ng’si vai ah pyen na gui ci.

TAIGÜTHUM 8:6 Referans Kwoze

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

PHYAWN NAK 29:4

“Aaron la a hta gui cu kei ah om nak ah phung ah m’kawt ung na law püi gui vai, tui na ng’si sak gui vai.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

SAM 51:2

Ka shet nak gui phung na m’si pe ne, ka cheishoh nak phung na theing sak ä!

SAM 26:6

Bawipa, kei cu ka kut m’si ne, katnak kä a om ah mawng ka m’dang ci, mang kyang veing ne ka khawihnah ci nei.

PHYAWN NAK 40:12

“Aaron la a hta gui cu Phung ah m’kawt ung khü law gui vai, ngami cu a cun ung tui ng’si khai gui.

PHYAWN NAK 30:19

Aaron la a hta gui naw ami kut, ami khaw ami m’si nak vai nei.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

HEBRU 9:10

Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

PHYAWN NAK 30:20

Cun cu ei douthak khai gui naw khophung kyong ah kä ami luh pha ung, sonkiang pei ah kä ami gawk pha ung, ami bi vai ah kyak ci. Ngami cu kä ngawn gui vai ah kyak ci.

TAIGÜTHUM 8:5

ani naw ngami am, “Kei naw tuhbäi ka bi law vai cu, Bawipa ah thumkhän ah kyak ci” ciah pyen na gui ci.

TAIGÜTHUM 16:4

Cun kawn ah Bawipa naw shin ah m’shümthein nak gui cu pek ci. Aaron cu a theingcim nak pikbäih ung kä a hteh pha ung, tui angsi vai, taigü sui gui a sui vai, Linen suinu la chi, kheipat la lupawng gui a sui vai.