TAIGÜTHUM 8:4 - Cho Bible Common Language 2016

⁴ Bawipa naw ang thumkhän ah mäih ah Moses naw bik ci. Chang gui cu ng’bum yawp u khäta,

TAIGÜTHUM 8:4 Referans Kwoze

1 KORIN 15:3

Kei naw ka mät ah gah ah küikyang aih ciah a mawng cu m’dou ne ka ning pe gui ci: cun cu cacim ung om ciah mäih ah Bawi Khrih cu mikmi ah katnak ah hmawk ah a sih ah mawng;

1 KORIN 11:23

Kei naw tuhbäi ka ning peit gui vai ah m’theithang nak cu Bawipa ah ka gah ah kyak ci. Gaa ah kut ung ami ap nak vai ah khomü ung, Bawi Jesuh naw m’htut cu la ne,

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

TAIGÜTHUM 8:35

Nangmi cu Phung ung valuh nak ah m’kawt ung amü, a hnüüp, khaw hnüüp chih ung nami om vai, Bawipa ah thumkhän cu nami bi vai. Kä nami bi ung nami sik khai. Shin cu Bawipa naw thumkhän ana pek ah kyak ci.

TAIGÜTHUM 8:29

Cun kawn ah Moses naw amakaw cu la neta, aktung ah m’cümhnah ah Bawipa am pek ci. Shin cu Moses naw phyuhtheh nak htome ung abi amshah ah kyak ci. Moses naw a päng avan cu Bawipa ah thumkhän bä bä ah bik ci.

TAIGÜTHUM 8:17

Ani naw pawih ba ciah vantang ah avun, amcii la a chihta gui cu Bawipa ah thumkhän ah mäih ah Phung ah akpung ah m’khih ci.

TAIGÜTHUM 8:13

Cun tawi ne Moses naw Aaron ah hta gui cu law püi gui ne, k’htu m’thuh gui ne, ami ng’kyang ung kheipat awn pat gui ne, ami lu cu lukhu awn htuih sak gui ci, cun cu Bawipa ah thumkhän ah kyak ci.

TAIGÜTHUM 8:9

Ani naw alu ung sam sawm sak ne, sam ah mawng ah ghui lukang awn pyan pek ci. Cun cu Bawipa ah thumkhän ah mäih ah ng’ap nak cu ng’ciim sei m’dang nak ah kyak ci.

PHYAWN NAK 39:29

linen m’ciu sam la Cherubim a gup awn ami cüiche ah htome mu tah amkim, ak ih, asen, cun gui cu Bawipa naw Moses am thumkhän a pek ah mäih ah ami bi ah kyak ci.

PHYAWN NAK 39:21

Bawipa naw Moses am thumkhän a pek ah mäih ah ngami naw ng’kyang saphaw ah ak hnga ungka naw pumsui ah ak hnga ung, gui akpong awn khit ci gui, cun ah kyasei ng’kyang saphaw cu ng’kyang shung ah ak khan ung om ne, kä hlät hlawt ci.

PHYAWN NAK 39:7

Bawipa naw Moses am thumkhän a pek ah mäih ah Israel pakhui gha lei goi ang dang nak vai ah pumsui ah gui ung cun ah lung gui cu dak ci gui.

PHYAWN NAK 39:5

Bawipa naw Moses am thumkhän a pek ah mäih ah ng’kyang shung nak akni cun phi htome mu akpong, ak ih, asen awn pyang ne pumsui awn ng’däih khai ah pyang ci gui.

PHYAWN NAK 39:1

Taigü gui naw hmun theing ung bii ami bi ung ami sui vai ah khingyih gui cu akpong, ak ih, asen ah htome ah mu awn tah ci gui. Bawipa naw Moses am thumkhän a pek ah mäih ah Aaron ah phäh ah taigü khingyih cu pyan pek ci gui.

TAIGÜTHUM 8:3

Cun kawn ah changbum avan cu acu ah na khü law gui vai” cik ci.

TAIGÜTHUM 8:5

ani naw ngami am, “Kei naw tuhbäi ka bi law vai cu, Bawipa ah thumkhän ah kyak ci” ciah pyen na gui ci.