TAIGÜTHUM 8:35 - Cho Bible Common Language 2016

³⁵ Nangmi cu Phung ung valuh nak ah m’kawt ung amü, a hnüüp, khaw hnüüp chih ung nami om vai, Bawipa ah thumkhän cu nami bi vai. Kä nami bi ung nami sik khai. Shin cu Bawipa naw thumkhän ana pek ah kyak ci.

TAIGÜTHUM 8:35 Referans Kwoze

1 GHANGPUGHANG GUI 2:3

Bawipa na Khanpughi naw bi vai ah ak bäi cu na bi vai. Moses ah thukhän ung guk ah thukhän gui la Thumkhän gui avan cu na läk vai, cun ah kyasei na hteh nak päng ah na bi nak päng ung bämang nak om khai.

THULÄÄN NAK 11:1

Bawipa nami Khanpughi cu m’hni vä, ang thumkhän avan cu läk vä.

KHEI NAK 9:19

Phung ah khan ah khaw ng’mei akshou a om ah a kyak ung, ngami cu Bawipa ng’ngai ci gui. Kä ng’nawn heng ci gui.

KHEI NAK 3:7

Ngami naw kei ah om nak ah Phung ung bilawh gui vai la Taigü gui ah phäh ah bilawh gui vai, chang bum van ah phäh ah bilawh gui vai cu bik khai gui.

HEBRU 7:28

Moses ah thukhän naw kä kümbe ciah chang gui cu, Taigü ah m’düih gui ci; cun ung phi thukhän a om kawn ah, angtäi sei kümbe ciah A Htapa cu Taigü Tung ah phyun ne m’düih ci.

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

1 TIMOTHI 5:21

Khanpughi ah ma, Bawi Khrit Jesuh ah ma la Theingcim ciah khankho chang gui ah ma ah, kei naw thukhän ka ning peik cu, nang naw shin ah m’cäi nak gui cu läk netah ng’daut ne a i kä nam khoichaa düt en vai, chang ah hmai teng ne a i kä na bi vai.

1 TIMOTHI 1:18

Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

EZEKIEL 48:11

Shin ah theingcim ciah Area cu zadok ah htangshon taigü gui ah phäh ah kyak ci. Ngami cu kei ung bekhüt ne bii bik ci gui, Israel chang gui ah ami cheishoh nak ung, Levit pakhui gui ah mäih ah ngami cu kä ng’dawn tuk ci gui.

EZEKIEL 43:25

A hnüüp tä, kho hnüüp chih ung, me ni, vantang ni, htome m’ca ni cu katnak ah phäh ah na khawihnah vai. Cun gui avan cu api ah phi kä khei hlik khai gui.

KHEI NAK 19:12

Ani naw a hnüp thum hnüüp ung la a hnüüp chih hnüüp ung amät naw amät ng’gängsei nak abi vai. A hnüüp chih hnüüp ung ani cu theingthap khai. Cun ung phi a hnüüp thum hnüüp la a hnüp chih hnüüp ung amät naw ng’gängsei nak kä abi ah a kyak ung ani cu kä theingthap khai.

TAIGÜTHUM 14:8

Cun ah bik ciah chang naw a sui m’su ne, alu k’teiu ne, tui angsi vai. Cun kawn ah ani cu theingthap khai. Ani cu pigaw kyong ah lut law hning ci, cun ung phi ani cu a shaum pigaw ah akpung ah hnüüp chih a om cang vai.

TAIGÜTHUM 10:1

Aaron ah hta gui Nadab la Abihu naw mei-dawn la phäh phäh ni ne, acun ung meicak tha ni ne, tui ng’ui awn shawi neta, Bawipa am pek ci goi. Cun ung phi cun ah mei cu kä theingcim ci, a i ah kyasei ci ung cun ah ani pek vai ah Bawipa naw thumkhän kä pe goi ci.

TAIGÜTHUM 8:30

Moses naw hluknak situi amshah la sonkiang ungka si amshah cu la neta, Aaron la hta gui ah khan la ami sui gui ah khan ah k’peh ci. Cu cha ah ani naw ngami la ami sui gui cu theing sak ne, Bawipa am ap ci.

PHYAWN NAK 29:35

Aaron la a hta gui phyisä nak gui cu, kei naw ka ning pyen nak gui ah mäih ah khaw hnüüp chih ung akcang ah bi vai.

TAIGÜTHUM 8:34

Tuhngawi shin ah kami bi gui cu, Bawipa naw kami bi vai ah thumkhän ana pek gui ah kyak ci, cun cu nangmi ah katnak nawt heng nak ah kyak ci.

TAIGÜTHUM 8:36

Cun ah kyasei Aaron la a hta gui naw, Moses ung Bawipa naw thumkhän a pek phung cu bik ci gui.