Biblia Todo Logo
Bib sou entènèt

- Piblisite -




TAIGÜTHUM 8:30 - Cho Bible Common Language 2016

30 Moses naw hluknak situi amshah la sonkiang ungka si amshah cu la neta, Aaron la hta gui ah khan la ami sui gui ah khan ah k’peh ci. Cu cha ah ani naw ngami la ami sui gui cu theing sak ne, Bawipa am ap ci.

Gade chapit la Kopi




TAIGÜTHUM 8:30
15 Referans Kwoze  

Ngami cu taigü ah kyak khai gui ah phyisä ne phyutheh gui ah kyak ci,


Cun kawn ah Aaron la a hta gui cu, phyutheh gui ne taigü ah kya ne ka khuut bik khai gui ah phyisä gui ä.


Sonkiang ah khan ah om ciah si amshah cu la ne, situi amshah cu la neta, Aaron la asuisak ah khan, a hta gui la ami suisak ah khan ah na k’peh vai. Ani, a hta gui la ami suisak gui cu kei ung ami ng’ap vai nei.


Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.


Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.


Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.


Bawipa Jesuh naw chang gui cu ami shektkat nak ungka theingcim sak gui ci, amät la a theing sak pyi ah chang gui cu tumat pa nak ci gui, cun ah kyasei cun ah chang gui cu, phäinau ah a khü gui vai ah, Bawipa Jesuh cu kä lü ci.


Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.


Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.


Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.


Na phäi Aaron ah phäh ah taigü khingyih cu na pyan pek vai. Cun cu a huham mah nak vai la a kyom nak vai ah kyak ci.


Israel chang gui naw shin ah douthak amshah cu, ngami am ami pek gui vai ah, cu hnüüp ung Bawipa naw thumkhän gui ci. Shin cu Israel chang gui naw lawk ciah a khin avan ung ami läk vai ah thungyo ah kyak ci.


Shin cu Aaron la a hta gui taigü gui ah kyak khai gui ah phyuhtheh gui hnüüp ung Bawipa am ei-douthak amshah ah kyak ci.


Ani naw Aaron ah lu khan ah phyuh nak situi awn shawi ne phyuhtheh ci.


Swiv nou:

Piblisite


Piblisite