TAIGÜTHUM 8:3 - Cho Bible Common Language 2016

³ Cun kawn ah changbum avan cu acu ah na khü law gui vai” cik ci.

TAIGÜTHUM 8:3 Referans Kwoze

LAMKTU 2:1

Pentekos hnüüp ung yum ciah chang gui cu hmun ät ung a täng ah ng’bum ci gui.

2 SHONTÄP NAK 30:13

Chang akdämduh cu a cha goi nak ung Jerusalem ung ng’bum u ne, k’caw kä shum ah m’htut awn bi ah mang ei pawi cu bik ci gui.

SAM 22:25

Kei naw chang hli ah ng’lung ah nang cu ning m’taam ne; Ning khawihnah ci gui ah ma ah ka shaitak ah mäih ah ka ning pek khai.

NEHEMIAH 8:1

A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.

2 SHONTÄP NAK 30:25

Cun ah kyasei changvan cu yeikyai ci — Judah chang gui, taigü gui, Levit gui, a siiptäng ah ka lawk ciah chang gui la, Israel la Judah kho ung law ne angtäi ah om tuk ci gui ah a khohei chang gui ah kyak ci.

2 SHONTÄP NAK 5:6

Solomon ghangpughang la Israel gui ami van cu Thukhän M’küm ah ma ah ng’bum u neta, htome akda la vantang akda awn khawihnah ci gui-cun gui cu kä khei tai vai ah da aih ci.

2 SHONTÄP NAK 5:2

Cun kawn ah Ghangpughang Solomon naw Israel pakhui gui la pahta gui ami van cu Jerusalem ung ng’bum sak gui ne, David ah mang gaw Zion ungka naw Taigüim ah Bawipa ah Thukhän M’küm cu hteh püi vai ah pawng ci.

1 SHONTÄP NAK 15:3

Cun ah kyasei David naw Israel chang avan cu Jerusalem ung ng’bum sak gui ne, ani naw tha nak vai ah a pyan ah hmun ung Thukhän M’küm cu tha vai ah pawng ci.

1 SHONTÄP NAK 13:5

David naw, a htumtäng Egypt khawgii ungka naw a siiptäng Hamath hteng ung khüt ciah khopäng avan ungka Israel m’küm cu Jerusalem ah hteh püi vai ah pawng ci.

KHEI NAK 21:16

Cun ungka naw Wells khaw hmun ah hteit ci gui. A cu ah Bawipa naw Moses a pyen nak cu, “Chang gui a täng ah law püi gui ä, kei naw tui ka pe gui khai nei.”

KHEI NAK 20:8

“Thukhän M’küm ah ma ah ka, ng’shawpawng na lak vai, cun kawn ah nang la Aaron naw chang bum avan cu nami ng’bum sak vai. Chang avan naw nami ma ah lungsheng cu nami pyen nak vai, cun ung cun ah lung ungka tui lut lawk khai. A cu cha ah nang naw chang gui ah phäh ah lung ungka tui cu na lak pe gui khai, chang gui la ami seime gui naw awk khai gui.”

TAIGÜTHUM 8:2

“Aaron la a hta gui cu kei ah om nak ah Phung ung valuh nak ung na law püi gui vai. Taigü suinu gui, hluk nak ah situi, katphyawn-douthak nak vai ah vantang nong, htome akhla hnih, la k’caw kä shum ah m’htut dawn ät cu nami law püi vai.

TAIGÜTHUM 8:4

Bawipa naw ang thumkhän ah mäih ah Moses naw bik ci. Chang gui cu ng’bum yawp u khäta,

KHEI NAK 8:9

Cun kawn ah Israel chang khli avan cu ng’bum sak gui neta, kei ah omnak ah Phung ah ma ah Levit gui cu nami düih sak gui vai.

TAIGÜTHUM 14:11

Taigü naw cun ah chang la douthak vai gui cu Bawipa ah om nak ah phung, valuh nak ung law püi khai.