TAIGÜTHUM 8:23 - Cho Bible Common Language 2016

²³ Moses naw cun cu ngawn neta, asi amshah cu la ne Aaron ah akpat täng a hnga gäp, akpat täng akutnu la akpat täng akhawnu ung mek ci.

TAIGÜTHUM 8:23 Referans Kwoze

PHYAWN NAK 29:20

Cun cu ngawn ne asi cu la neta, Aaron la a hta gui ah ami k’pat täng hnga m’dawng, ami k’pat täng kutnu la ami k’pat täng khawnu gui na mek pek gui vai. K’pawih ba ciah si cu sonkiang ah ang veing phli ung na huk vai.

TAIGÜTHUM 14:17

Ani naw a kut m’ya ungka situi amshah la htome hta ah si amshah cu la neta, theingthap ciah k’bäi vai ah chang ah k’pat lam nga koi, k’pat lam kutnu la k’pat lam khawnu ung mek ci.

TAIGÜTHUM 14:14

Taigü naw htome hta ah asi amshah cu la neta, theingthap ba ciah k’bäi vai ah chang ah akpat lam hnga koi, akpat lam kutnu la akpat lam khawnu ung a tha vai.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

1 KORIN 6:20

Khanpughi naw a phu pe ne a ning khleih gui ah kyak ci, cun ah kya sei, Khanpughi ah bämang nak ah hmawk ah nami pumsa cu nami mang vai nei.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

ROMAN 6:19

(Nang mi cu ng’thu thuuk kä hmat man uk ci sei, chang ah hmat yäi vai ah thu awn ka guk nei.) A yan ä nang mi cu, cheishoh nak a hlü hlü bi nak vai ah shetkat nak ah khlei-htein ah ng’khäm ne nami ng’ap ci. Acun ah mäih ah tuk bäi nangmi cu, theing cim ciah bi bi nak vai ah, ng’düng nak ah kaa ah khlei-htein ah kya ne ng’khäm ne nami ng’ap vai.

ROMAN 6:13

Nami pumsa cu a i yah ung phi shetkat nak ah hmawk ah kä nami mang en vai. Cun nak vaisü ung, sih nak ungka ghing ba ciah chang gui ah kya ne, nami pumsa cu Khanpughi am nami ap vai, Düng nak ah a mawng ung a ning mang gui vai ah pumsa la ghin nak avan cu, Khanpughi ung nami ng’ap vai nei.

TAIGÜTHUM 14:28

Ani naw si awn a mek nak ung situi awn phi a mek vai; chang ah pat lam hnga koi, akpat lam kutnu la akpat lam khawnu ung.

HEBRU 5:8

Ani cu Khanpughi ah Htapa ah a kyak tupang ung phi, Khanpughi ah thu a läk thei vai ah yaica ne theithang ci.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

1 THESSALONIAN 5:22

akshe phung cu nami nawng vai nei.

PHYAWN NAK 29:21

Sonkiang ah khan ah om ciah si amshah cu la ne, situi amshah cu la neta, Aaron la asuisak ah khan, a hta gui la ami suisak ah khan ah na k’peh vai. Ani, a hta gui la ami suisak gui cu kei ung ami ng’ap vai nei.

TAIGÜTHUM 7:37

Shin gui cu m’khih ne douthak, htang-douthak, katphyawn-douthak, thunghba nak-douthak, phyuhtheh douthak, hmuhchum-douthak nak ah thungyo gui ah kyak ci.

TAIGÜTHUM 14:25

Ani naw htome hta cu ngawn ne, asi amshah cu la neta, cun ah chang ah k’pat lam hnga koi ni, pat lam kutnu ni, pat lam khawnu ni ung a mek vai.